خانلیقلار شوراسی(ایالتلر شوراسی ؟ فئدرال مجلیس)                                      

آذربایجان ایالتلری( خانلیقلاری) آذربایجان ایالتلر شوراسی واسیطه سیله اولکه نین ایداره سینده و قانون وئریجیلی یینده ایشتیراک ائدیرلر                        .

۱)

ایالتلر( خانلیفلار) شوراسی ایالت(خانلیق) حوکومت منسوبلاری نین بیر آرایا گلمه سیندن مئیدانا گه لیر. اونلار اونو ییغینجاغا چاغیریب، یاخود گئری چاغیرا بیله ر. اونلار آیری حوکومت منسوبلاری واسیطه سیله ده تمثیل اولونا بیلیرلر             .

۱)

 هر بیر خانلیق ان آزی اوچ سه سه مالیکدیر. ایکی میلیوندان چوخ اولان ایالتلرین دورد سه سی ، آلتی میلیوندان چوخ اولانلارین ایسه بئش سه سی واردیر.      

۲)

هربیرخانلیق(ایالت) او قده ر نوماینده گونده ره بیله رکی، اونون سه  س وئرمه حاقی واردیر.بیر ایالتین( خانلیغین) سه سینی آنجاق ایشتیراک ائده ن حوکومت منسوبلاری، یاخود اونلارین تمثیلجیلری تک بیر گوروش شکلینده وئره  بیلیرلر       .

۳)

ایالتلر( خانلیقلار) شوراسی بیر ایل اوچون اوز باشچیسی نی سئچیر .            

۱)

ایالتلر( خانلیقلار) شوراسی نین صدری ایالتلر شوراسی نی توپلانتیا چاغیرار. بو چاغیریش اوچون ان آزی ایکی ایالتین (خانلیغین) تمثیلچیلری نین، یاخود آذربایجان حوکومتی نین ایسته یی گره کلی دیر.                                                   

۲)

 ایالتلر شوراسی نین کومسییونلارینا باشقا خانلیقلارین(ایالتلرین) عضوولری یاخود آذربایجان حوکومتی نین وظیفه لی شخصیلری قاتیلا بیلیرلر                            

۳)

ایالتلر(خانلیلار) شوراسی اوز قرارلارینی ان آز چوغونلوغون سه سی ایله آلار. اوزونو ایداره ائتمک اوچون بیر ایداره جیلیک دوزه نی (برنامه ـ نیظامنامه) یارادار. ییغینجاقلاری نین  آچیق، یاخود باغلی اولماسی حاقدا قرار وئره ر.                                                                

۴)

۱)

اورتاق کومسییونو آذربایجانین ائل اوجاغی(پارلئمئنتوسو) ندا کی میللت وکیللریندن اوچده ایکیسی و ایالتلر( خانلیقلار) شوراسی   نین عضوولریندن اوچده بیری اولوشدورور. ائل اوجاغیندان اولان میللت وکیللرین سایی پارلئمئنتودا اولان فیرقه(پارتی ـ حزب) لرین نیسبتینه گوره دیر.آذربایجان حوکومتینه منسوب اولمامالیدیرلار. هربیر ایالت(خانلیق) اورتاق کومسییونا خانلیقلار شوراسیندا اولان موکللفدیریلمیش بیر عضوو ایله قاتیلیر. کومسییون ایشتیراکچیلاری بویوروغا تابع دئییلدیرلر. اورتاق کومسییونون قورولماسینی و چالیشما طرزینی گوسته ره ن آذربایجان ائل اوجاغی طرفیندن تایید ائدیله ن ، و خانلیقلار(ایالتلر) شوراسی طرفیندن تایید ائدیلمیش بیر ایچ ایش دوزه نی(برنامه ـ نیظامنامه)اساسیندا اولور                                                

۱)

 آذربایجان حوکومتی، اورتاق کومسییونا میللی مودافعه حاقدا  اولان ایش دوزه نلری( برنامه لری ـ پروگراملاری)باره ده بیلگی وئرمه لیدیر. آذربایجان ائل اوجاغی و کومسییونلاری نین ۴۷ ـ نجی مادده نین بیرینجی حالقا(بند) سیندا گوستریله ن حاقلاری ال وورولمامیش قالیر                                          . 

۲)