آذربایجان جیمهور ره ییسی (ائـل قویارـ ائلخان)                        

آذربایجان جیمهور ره ییسی، ائل اوجاغی نین یوکسک توپلانتی سیندا موذاکیره سیز اولاراق سئچیله ر.  ۴۰ یاشینی دولدوران ، ائل اوجاغیندا حاق قازانمیش ، جیمهور ره ییسلی شراییطینه اویقون هر بیر آذربایجانلی جیمهور رئیسی یینه سئچیله بیله ر.                                                                            

۱)

جیمهور ره ییسلی یی مدتی بئش ایلدیر. بو قوللوقچولوق دووروندن سونرا آنجاق بیر دفعه داها سئچیله بیله ر                                                    .

۲)

آذربایجان ائل اوجاغی نین یوکسک توپلانتی سی ، ائل اوجاغی نین میللت وکیللری ایله بیرلیکده، هامان ساییدا ایالتلردن گه لن خالق نوماینده لری نین بیر   آرایا گلمه لریندن اولوشور. خانلیق نوماینده لری خانلیق مجلیس لرینده کی،خالق نوماینده لری نین نیسبتینه گوره دیر                                       .

۳)

جیمهور ره ییسلی یی خدمتی نین سونا چاتماسیندان ان گئج اوتوز گون قاباق، یاخود واختیندان تئز وظیفه سی سونا چاتدیقدا ۳۰ گون سونرا،  آذربایجان ائل اوجاغی نین یوکسک ییغینجاغی اولور. بو توپلانتی، آذربایجان ائل  اوجاغی نین صدری طرفیندن چاغریلیر                                                                .

۴)

 سئچگی مراسیمی سونا چاتیب،آذربایجان ائل اوجاغی ایلک توپلانتی سینا  باشلاندیقدا، ۴ـ نجو حالقانین بیرینجی جومله سینده گوستریله ن مدت باشلانیر                                                                                    .

۵)

یوکسک ییغینجاق عضوولری نین سه سلری نین اکثریتینی الده ائده ن نیشانلیجیمهور ره ییسی سئچیلیر. ایلک ایکی  سئچمه مراسیمی سونودا نیشانلی لاردان هئچ بیری سه سلرین چوخونو الده ائتمه زسه، اوچونجو سئچگی دوورونده ان چوخ سه س گتیره ن سئچیلمیش اولور                     .

۶)

 تفروعاتینی اولکه نین عمومی یاسالاری قایدالاشدیرار.                               

۷)

آذربایجان جیمهور ره ییسی آذربایجان حوکومتینه ، هرهانسی بیر دوولت اورقانینا، خانلیق(ایالت) حاکمییتلرینده( حوکومتلرینده) عضو اولمامالیدیر         .

۱)

جیمهور ره ییسی بو وظیفه دن آیلیق آلاجاق باشقا بیر دوولت دایره سینده، ائله جه ده آزاد بیر مسلکده، تیجاری بیر ایشده چالیشما حاقی یوخدور. بیر قازانج گتیره ن موسیسه نین ایداره هئییـتینده ـ یوخلاما(نظارت) قوروموندا اولا بیلمه ز                                                                                      . 

۲)

آذربایجان ائل اوجاغی نین و خانلیقلار(ایالتلر) شوراسی نین عضوولری نین اورتاق توپلانتــی ســینا ائل اوجاغــی  صدری طرفینـدن دعـوت ائـدیلمیش شخصـییتلردن عبارت اولان " آذربـایجـان ائـل اوجاغـی نین یوکسـک توپلانتی سیندا"     جیمهور رئیسی بئله آنــد ایــچه ر                           : 

" اوز گوجومو، ایسته ییمی آذربایجان میللتی نین رفاه و خوشبخت لییی یولوندا قویوب، اونون خئیرینه صرف ائتمه یه، هربیر ضره ر و تهلوکه نی اوندان اوزاقلاشدیرماغا، آنایاسا و اولکه قانونلارینا حورمتــله یاناشیب، اونلاری قوروماغا، اوز وظیفه لریمی ویجدانلا یئرینه گتیرمه یه، هر بیر وطنداشا قارشی عدالت و حقانیتینی ایجرا ائتمه یه چالیشاجاغیما آند ایچیره م. تانری نین بو ایشده منه یاردیمجی اولماسینی دیله ییره م                                             ." 

آذربایجان جیمهور ره ییسی نین وئردییی بویوروقلارین و قرارلارین ایجراسی اوچون باش ناظیرین تعیین و آزاد ائدیلمه سی، ائله جه ده آنایاسانین ۶٩ـ نجو و ۶۷ـ نجی ماده سی نین۳ـ نجو حالقاـ سینا(بندینه) گوره پارلئمئنتونون ایشینه سون قویولماسی اوچون کئچه رلی دئییلدیر                                          .

بـئـین الخالق حقوقلار اساسیندا جیمهور ره ییسی اولـکه نین بـوتـونـلویونو تمـثیل ائده ر. او اولکه نین آدیندان خاریجی اولکه لرله آنلاشمالار( موقاویله لر) باغلاییر. خـاریـجی اولـکه لرین ائـلچیلیکلری نین سندلرینه قـول چکیب، اونـلاری قبول ائـدیر                                                                                 .

۱)

 آنلاشمالار اولـکه آنـایاساسینا قارشی اولمامالیدیر.اولکـه نین باغلـی سـیزلیغـینا قارشی یونـه لمه لــیدیر                                                   .

۲)

جیمهوره ییسی، قارشی بیر یاسا اولمادیقدا دوولت قوللوقچولارینی، آشاغی ـ یوخاری روتبه لی عسگرلری تعیین ائدیب، یادا ایشدن اوزاقلاشدیرا بیله ر       .

۱)

 نادیر حاللاردا اولکه ده اوز باغیشلاما( عفو ائتمه) حاقیندان یارارلانار.           

۲)

او بو حاقلارینی باشقا مقاملارا آختارا بیله ر.                                          

۳)

جیمهور ره ییسی حاقیندا ۵۲ـ نجی ماده نین ۲،۳،و۴ـ نجو ماده لری لازیمی شکیلده ایجرا ائدیلیر                                                                     .

۴)

جیمهور ره ییسی عمدی اولاراق آنایاسا و باشقا اولکه یاسالارینی عمدی ایاقلادیغی تقدیرده آذربایجان ائل اوجاغی(پارلئمئنتو)، یاخود خانلیقلار(ایالتلر) شوراسی آنایاسا محکمه سینه شیکایت ائده بیله ر. بئله بیر داوانین آچیلماسی اوچون ائل اوجاغینداکی میللت وکیللری نین، یاخود خانلیقلار شوراسی نین عضوولری نین دورده بیری نین سه سینه ائحتیاج واردیر. بو شیکایتی دالی چکمک اوچون ائل اوجاغی نین میللت وکیللری نین و خانلیقلار شوراسی نین عضوولری نین اوچده ایکیسی نین سه سی گره کلیدیر. بو شیکایتی تعقیب ائتمک اوچون آدی کئچه ن قوروملارین بیر عضوونه مسئولییت وئریلیر                                                                                      .

۱)

  یوکسک آنایاسا محکمه سی جیمهور ره ییسی نین آنایاسانی یاخود اولکه نین هرهانسی بیر یاساسینی عمدی اولاراق چئینـه مه سینی تـثبیت ائـده رسه، جیمهور ره ییسی جزالاندیریلا بیله ر. بو چئینه مه بویوک اولورسا، یوکسک آنایاسا محکمه سی اونو وظیفه دن اوزاقلاشدیرا بیله ر. جیمهور ره ییسی حاقیندا بئله بیر داوا آچیلدیقدا یوکسک آنایاسا محکمه سی بیر بویوروقلا اونون اوز وظیفه لرینی ائتمه سینی دوردورا بـیله ر.   

۲)