واحـید مسـتـقیل آذربایجــان جبــهه سی

واحید مستقیل آذربایجان جبـهه سی نین تکلیف ائتدییی

آنایاسا تاسلاغی

آلــتـیــنجی بــولـــوم

آذربایجان حــوکــومتــی (مرکزی فئدرال حوکومت)
آذربایجان حوکـومـتی نین تـرکـیـبـی	§ ۶۸ ـ نجی ماده:
آذربایجـان حوکومتـی باش ناظـیر و باشقا ناظـیرلردن عـبارتـدیــر.
باش ناظـیرین ســئچــــیلمه ســی	§ ۶٩ ـ نجی ماده:
باش ناظیر آذربایجان پرئزیدئنتی نین پیشنهادی ایله موذاکیره سیز ائل اوجاغی( آذربایجان پارلئمئنتوسو) طرفیندن سئچـیلیر .		۱)
ائل اوجاغیندا سه س چوخلوغو ایله سئچیله ن باش ناظیر آذربایجان جیمهور ره ییسی طرفیندن تایید ائدیلیر .		۲)
اگر اون گورولن شخص یئترلی سه س گتیرمه دی ییندن سئچیلمه زسه ، ۱۴ گون ایچینده ائل اوجاغی اوز عضوولری نین یاریسیندان چوخونون سه سیله بیر باش ناظیر سئچه ر .		۳)
بو مدت ایچینده سئچیله ن اولمازسا، همن تزه سئچگیلره گئدیله ره ک، ان چوخ سه سلری الده ائده ن شخص باش ناظیر اولور. یئدی گون ایچینده بو شخص جیمهور ره ییسی طرفیندن تایید ائدیلمه لیدیر. ائل اوجاغی سئچگیلرینده سه س چوخلوغو الده ائدیلمه زسه، جیمهور ره ییسی یئدی گون ایچینده تام سه س چوخموغو گتیرمه ین شخصی تایید ائده ر، یادا ائل اوجاغی نین ایشینه سون قویار.		(۴
آذربایجان حوکومتی نین، نـاظــیرلری نین آدلانـــدیریـلما ســی	§ ۷۰ ـ نجی ماده:
ناظیرلر باش ناظیر طرفیندن گوستریلیر. جیمهور ره ییسی طرفیندن آدلاندیریلیر و ایشدن بوراخییلیر .		۱)
باش ناظیرلر و ناظیرلر وظیفه لرینه باشلامادان قاباق ائل اوجاغیندا میللت وکیللری قارشی سیندا۶۱ـ نجی ماده ده اون گورولن آندی ایچه رلر. .		۲)
آذربایجان حوکومتی ایچینده مسـئولییت بولــگوســو: باش ناظیرین ایداره جیلیک حـاقـیــی	§ ۷۱ ـ نجی ماده:
باش ناظیر سیاستین آنـا خطینی تایین ائـده ر. بونون اوچونده مسئولییتینی داشیر. بو سیاست چرچیوه سینده هر ناظیر اوز ناظیرلی یینی مستقیل اولاراق اوز مسئولییتی ایله ایداره ائده ر. ناظیرلر آراسی فیکیر آیریلیقلاری اولورسا، قرار وئره ن آذربایجان حوکومتیدیر. باش ناظیر آذربایجان حوکومتی طرفیندن حاضیرلانمیش و آذربایجان جیمهور ره ییسی طرفیندن تایید ائدیلمیش بیر ایداره جیلیک ایش دوزه نی( نیظامنامه سی) اساسیندا اوز ایداری ایشلرینی گورور .		۱)
میللی اوردویا ( سیلاحلی قووه لره) بویوروق وئرمه حاقی	§ ۷۲ ـ نجی ماده:
میللی مودافعه ناظیری آذربایجان میللی اوردوسـونا فرمان وئریجی و کوماندانلیق حاقی واردیر .		۱)
یاناشی چالیشما یاساغــی	۷۳ ـ نجی ماده: §
باش ناظیر و باشقا ناظیرلر، ایجرا ائتدیکلری باش ناظیرلیک وظیفه سیندن ســووای آیلیق آلاجاق آیری بیر دولت دایــیره سینده ، باشقا بـیر مسـلکده چالیـشما حاقـلاری یوخـدور. ائـله جـه ده ائـل اوجاغـی نین ایجازه سی اولمادان بیر شیرکت و موسـیسه نین ایـداره هـئـیتینده ده عضوو اولا بیلـمـه ز.		۱)
گـــووه نـــســیرلیــک	۷۴ـ نجی ماده: §
ائـل اوجاغی سه س چوخلوغو ایـله باش ناظیره قارشی اوز گووه نسیزلی یینی بـیلدیریب ،سه س چوخلوغو ایله ده باشقا بیر باش ناظیری اونون یئرینه سئچه بیله ر. جیمهور ره ییسی باش ناظیری بوراخیب، یـئـنی باش ناظیری تایـید ائتمه سی گره کیر .		۱)
وئریلن گووه نسیزلیک تکلیفی ایله آپاریلان سئچگی (سـه س وئرمه) آراسیندا ۴۸ ساعات بیر فورصت واردیر .		۲)
گــووه ن ســورغوســو، ائل اوجاغی نین بوراخیلماسی	۷۵ـ نجی ماده: §
باش ناظیرین اوز ایسته یی ایله ائل اوجاغی نین اونا گووه نینی ایسته یه بیله ر. میللت وکیللری سه س چوخلوغویلا اونا گووه ن یئرینه گووه نسیزلیک لرینی اعلان ائـده رلرسه ، جیمهور ره ییسی باش ناظیرین پیشنهادی ایله ایرمی بیر گون ایچینده ائـل اوجاغینی بـوراخا بیـله ر. بو زامان ایچینده ائـل اوجاغی چوغونلوقلا باشقا بیر ناظیر سـئچه بیلیرسه ، ائـل اوجاغی نین بوراخیلماسی اوز کئچـه رلی یینی الـدن وئـره ر . بو سه س وئـرمـه، وئـریله ن تکلیفـدن ان آزی ۴۸ساعات سونرا کئچیریلیر.		۱) ۲)
باش ناظیر یاردیمجــیسـی (معوینی)، قوللوقچولوق مـدتــی	۷۶ ـ نجی ماده: §
باش ناظیر اوز ناظیریندن بیرینی اوز یاردیمجیـسی (معاوینی) تعیین ائده ر.		۱)
باش ناظیر و باشقا ناظیرلرین قوللوقچولوق مدتی نورمالدا تزه سئچیلمیش ائـل اوجاغی نین تـوپلانتتیسی ایله سونا چاتار. باش ناظیرین وظیفه مـدتی نین سونا چاتماسی ایله ناظیرلرینده ناظیرلیک دوورو سونا چاتمیش اولور .		۲)
باش ناظیر، جیمهور ره ییسی نین ایسته یینه گوره ، ناظیرلر ایسه باش ناظیرین یادا جیمهور ره ییسی نین دیله یی اساسیندا اونلارین یئرینه باشقالاری نین سئچیلمه سینه قده ر اوز وظیفه لرینی یئرینه گتیریرلر .		۳)