ميللي اخلاق و دايانيشما

دايانيشما» زوليداريتئت - همبستگي « سوزونون معناسي اينسانلارين بير- بيرينه داياق اولماسي، قولوندان توتماسي ، دستكله مه سي دئمكدير. ميللي دايانيشما ايسه بير ميللتين ، بير توپلومون » جامعه نين« اينسانلاري نين بير عائله ده اولدوغو كيمي بير- بيري نين قئيدينه قاليب ، دستك اولوب ، داياق دورماسيدير

دايانيشمانين يوكسك اولدوغو توپلوملاردا ميللي اخلاق دا يوكسك سوييه ده ، عكسينه ميللي دايانيشما دوشوك اولان اولكه لرده ايسه ميللي اخلاق آشاغي سوييه ده دير

آذربايجان ميللتي اولاراق بير توركلرين گوزه ل خصوصييتلرينده ن بيري گونلوك حياتيميزدا ميللي دايانيشمايا بويوك يئر وئرمه ميزدير. بو خصوصييت ميللي بير عنعنه كيمي نسليده ن - نسله وئريلميشدير. چتين گونلرده ، ميللي قياملاردا اوزونو گوسترميشدير. وطني اخلاق ياخود ميللي اخلاق يالنيز بوگون ياشاديغيميز آنا وطنيميز آذربايجانين بوگونو ايله محدودلاشمير. عكسينه ۷۵۰۰ ايلده ن چوخ تاريخه ماليك بير ميللت اولاراق ياراديب ، گوزه لشديريب ، تكميللشديريب بو گونكو قورشاغين گليب الينه چاتان ميللي كولتور ، عنعنه و گله نك لردندير. » آذربايجان اراضي سينده اينسانلارين ياشاما تاريخي ۲۰۰ مين ايلده ن چوخدور. ) آذربايجان اينجه صنعتي( آدلي كيتابدا قئيد ائديلميشدير- آلمان ديلينده ، يازيچيلاري ل. بئرت نيزكي، ب. وه يمارن ، ب. بيرئنتيس ۱۹۸۸ لايپچيق« بو ايرثـه صاحيب چيخماق وطني اخلاق دئمكدير. بونلارين بيزي او بيري ميللتلردن فرقيلنديره ن خصوصيتلردير. 

وطني - ميللي اخلاق ميللت ين فرد - فردلرين سئومك معناسينادا گلير . دونيانين هاراسيندا اولورسا - اولسون وطني اخلاق ايجاب ائديركي ، اوز ميللي كولتورونه - ميللتينه باغلي اولسون . وطنين قئيدينه قالسين . طبيعي ديركي ، وطنده اوز ائولادلاريني اونودماماليدير. لازيم اولدوقدا اونلارا صاحيب چيخماليدير. اورنك » ميثال« اولاراق بير آلمانلي، بـــير فرانسالي، بــير آمئريكالي ...دونيانين هانسي بوجاغيندا بير زورلوقلا قارشيلاشيرسا ، اوزونون حل ائده بيلمه يه جه يي بير اولقو » حاديثه« ايله توش گليرسه ، اونا اوز حوكومتي يارديم اليني اوزادير. حتا اولكه سينده كي وطنداشلاريدا اونون قئيدينه قاليرلار. يعني ميللي - وطني اخلاق اوزونو ميللي بير دايانيشما شكلينده عكس ائتديرير


وطني اخلاقدا وطنين هر بير قاريشي مقدسدير. بو هر ميللت اوچون گئچه رليدير. فرانسالي سيدا ، اينگيليسيده ، ايتاليياليسي دا ... بير قاريش توپراغيني اوزگه سينه باغيشلاماز. باغيشلانماسينادا ايجازه وئرمه ز. بونلاري نظره آلديقدا مستملكه ده ياشايان ميللتيميزي و ايران دئييله ن يئري نظردن گيچيرمه ميز مقصده اويقوندور. فارسلار اينگيليسلرين يارديمي ايله حاكمييتي اله گئچيرديكده ن سونرا رادييو - مطبوعات و سون ۳۰ - ايلده تئلويزييونلاري واسيطه سيله اوزلريني ميللتيميزه تحميل ائتمه يه چاليشميش و چاليشيرلار. بيزيم ديل و مدنييتيميزي يوخ ائديب، آذربايجان شاعير - يازيچي و عاليملري نين ساده بير قبيله ديلي اولان فارس ديليني ديل شكلينه سالديقلاريني گورمه مه زليكده ن گله ره ك ، هامان ديلي بو دفعه تك بير ديل اولاراق بيزه و باشقالارينا زورلا قبول ائتديرمك ايسته ييرلر. بيزيم ميللتيميزه و اوشاقلاريميزا بو ياد ديلي و مدنيتي اويزه تمه يه ايصرارلي ديرلار. اونلارين مقصدي بيزلري فارسلاشديريب ، ايرانچيليغي ، آذربايجانچي ليق و توركچولوك يئرينه اوتورتماق ، اوزلشديرمك دير. بونون نتيجه سينده ميللتيميزده مصوصا اوخويوب - يازان گنجلريميزين چوخوندا قئيد ائديله ن مدني و وطني اخلاق ، ميللي خصوصييتلر آرادان گئدير. يعني كيملي ييني ايتيرميش اولور. اونلار اوز مدنييتلريني ، ميللي كيمليك لريني ايتيرديكده ن سونرا اوزلرينه يادلاشيرلار. بس بيزيم آذربايجان توپلومو مستقيل يوخ ، مستعمره ده اولان بير اولكه اولدوغوندان بير- بيرينده ن فرقيلي اولاراق چئشيدلي تربيه - كولتور موجوددور. بونلارين بـــير بولومو سونرادان گتيريلدييي اوچون بير - بيرينه ياد كولتورلردير. يعني خالقين باغريندان چيخماديغيندان بيري او بيريني آنلاييب درك ائده بيلمير. بئله بير حال گئچميشده كي غرب مستعمره لري نين چوخوندا باش وئرميشدير. مستعمره دوورونده مدني ، وطني و ميللي اخلاقين قورونماسيندا ياشلي لارين ، آنلايان آتا- آنالارين ، اوزونو تانيميش آيدينلارين بويوك پايي وظيفه ســي واردير. صاباحكي مستقيل وطنيميزده بو اوزون ايللرين تاثيرلريني سيلمك ، بو منفي گليشمه نين قاباغيني آلماق مدني - وطني و ميللي اخلاقين جانلانيب گوجلنمه سي ايله مومكوندور. يعني ميللتيميز اوز كيملي يينه صاحيب چيخماسي ايله ياناشي غرب اولكه لريله بيليم و چئشيدلي ساحه لرده امكداشليق ائتمكله غرب مدنييت ينده ن پاي آلماق اولا بيله ر. آمما بو قاباقكي گليشمه لردن فرقيلي دير. بو آوروپا مدنييتيني منيمسه مك بيلينج اوستونده دير. ظواهيريني تقليد ائتمك دئييلدير. نئجه كي ڑاپون ، كوره ، هونگ كونگ ، سنگاپور...كيمي اولكه لر اوز مدنييتلري ايله غرب مدنييتيني بير- بيرينه تطبيق وئره ره ك گليشمه لرينه سبب اولموشدور. بئله ليكله ده ديكتاتورلوغا آليشديريلان آذربايجان توپلومو دئموكراتيك بير توپلوما چئوريله جكدير. مدني، وطني اخلاق دا گئت - گئده تيكرار اوز اسكي يئريني آلاجاقدير. اينسانلاريميز ايلك اولاراق اوز هموطنلريني، ائله جه ده بوتون اينسانلاري سئوه جكدير. گئريجي لييه سون قوياجاقدير. توپلومومور فردلرين اوزلرينه اولدوغو كيمي اونلارين ملكييت لرينه ، آزادليقلارينا، دوشونجه لرينه ائحترملا ياناشاجاقدير


بورادا ميللي اخلاقين شوونيست فوندامنتاليست فارس رئڑيمي مستملكه سيده نئجه ده ييشدي ييني ده گوزده ن گئچيرمك ايسته رديك . مستملكه چي فارس شوونيزمي رضا . محمد رضا و خميني رئڑيملري نين آلتيندا يئتيشه ن و تربيه آلان آيدينلاريميزين بير حيصه سي اوز ميللتيني سئويب ، اونون يانيندا يئر آلماقدانسا چوخ واخت مستملكه چي بو رئڑيملرين قوللوقچوسو اولورلار. بيلمه دن اونون شوونيست و مستملكه چي سياستي نين ايجراچي سينا چئوريليرلر.مدني - ميللي اخلاقين پوزولماسي نتيجه سينده ميللتينه قوللوقچولوق ائتمك، خالقيني سئومك يئرينه اونو سويماغا، قورخو - قدغه گلمه يه باشلاييرلار. اوزلريني - كيمليكلريني دانيرلار. بئله اولدوقدا طبيعي اولاراق اونلار خالقين ايچينده اوز محبوبييتلر يني ايتيريرلر. خالقين اونلاردان خوشو گلمك يئرينه آجيغي گه لير. حتا چوخ واخت تيفرت ائدير. مدني بير توپلومدا آيدينلاريميزين آراسيندا مثبت رقابت ين اولماسي گره كلي دير. بو مثبت رقابت اونلارين گليشمه سينه ، بيلگي لري نين آرتماسينا ، علمي ساحه لرده آراشديرمايا ، يئني بولقولارين ) احترا( اورتايا چيخماسينا سبب اولار. خالقا داها ياخشي خدمت يوللاري آختاريرلار. بونلار گوزه ل شئيلرديرلر. امما منفي رقابت ، سن اولما - من اولوم ، گيجيك ائتمك ، گوز چيخار...بير- بيريني سئومه مه يه گتيرب چيخاردير. آرالاريندا نيفرتي آرتيرار، داياق دورماغا مانع اولور. سيراوي وطنداشلاريميزدا ميللي خصوصييت لر، مدني اخلاق و داياق دورما احوال - روحيه سي ضعيفله سه ده هنوز اوزونو قوروماقدادير. اونلار بير- بيرلريني سئويرلر. زور دوروملاردا بير- بيرلريني قوللاييرلار. الينده ن توتورلار. چونكي بو حاللار بيز توركلرين - آذربايجانليلارين ايچينده اولان سجيه وي خصوصييتلردير. بو تك اوز ميللتيميز اوچون يوخ ، حتا اوزوموزده ن اولمايان ميللتلر اوچونده گئچه رليدير. يعني بيز اونلارادا اليميزده ن گه لن يارديمي ائديريك. بونا گوره ده اوزگه ميللتلردن اولانلار حتا فارسلاردا آذربايجانليلارين - توركلرين باجاريقلي، اوره يي آچيق، مهربان - قوناق پرور اولدوقلاريني تاييد ائديرلر. بو غربي اولكه لرده ياشايان آذربايجانليلار اوچونده 

. گئچه رليدير

گورولدويو كيمي وطني اخلاق و مدني اخلاق بـــيري - بــيري نين تــماملاييجي سيـدير. بيري اينسانلاريميزي ، سويداشلاريميزي ، نهايت ميللتيميزي سئومك معناسينا گلسه ده ، مدني اخلاق اولكه حدودلاريني آشيب باشقا اينسانلاري و ميللتلريده ايچينه آلير. طبيعي ديركي، ميللي قورتولوش موجاديله سينده ياخود ساواش اولدوغو حاللاردا مدني اخلاق نورمال شراييطده ن فرقيلي اولاراق وطني اخلاق اوستون گلمكده دير. بو عموميت داشيمير، و گئچيجي بير حالدير. ايختلافيميز اولان ميللتين ائشي يينده كي باشقا ميللتلره قارشي گئچه رلي دئييلدير. اولگه ميزين دورومونو نظره آلاراق هر حال- كاردا ميللي دايانيشمانين گوجلنمه سي اوچون وطني اخلاقا اوستونلوك وئريلمه ليدير. وطني اخلاقين گوجلنمه سي اوچون اساس عاميللر اينسانلارين اوز كيمليكلريني، گئچميشلريني ، ديل، موسيقي و عنعنه لريني تانيماقلا، اونلاري منيمسه مكله ، اونلاري اوز منليكلري نين بير پارچاسي كيمي گورمكله مومكون اولاجاقدير. يعني اورتاق بير ويجدانين يارانماسي شرطدير. مستملكه ده اولان بير ميللتين آيدينلاري نين ، ميللتچي لري نين و قورتولوش موجاديله سينه قاتيلانلاري نين وظيفه سي ائله يوخاريدا قئيد ائديله نلري اوز ميللتينه خاطيرلاتماق ، اونلارين گوزه ليكلريني اونلارا تانيتديرماق، مستملكه نين قويدوغو تاثيرلري ، توز- توپراقلاري گوزلردن اوره كلردن سيلمكدير


اورتاق ويجدانا، ميللي بيرلي يه اولاشديقدا آنجاق ايستيقلالييتيميزي سوزون تام معناسيندا الده ائديب ، آزادليغا دايانان دئموكراتيك حقوق دوولتيميزي قورماق مومكون اولاجاقدير. ميللي بيرلي يين يارانماسي ايسه، وطني اخلاقين ياخود ميللي شعورون گوجلنمه سينده ن ايره لي گلير. بونون اوچونده ميللي كولتوروموزو، اونون اينجه ليكلريني ، اونودولموش طرفلريني ، گوزه ليكلريني گوزلرين قاباغينا سرمك لازيمدير. بوگونكو مستملكه شراييطينده چئشيدلي ساحه لرده سرگي ار) نمايشگاهلار( آچماق، هركسن آنلاياجاغي ديلده سئمينارلار » بيليك ييغينجاغي« گئچيرمك، كولتوروموزه عاييد هر شئيي توپلاماق ، آختاريب تاپماق آنا وظيفه لريميزدندير. ايستيقلالييتيميزي الده ائديب، ميللي حاكمييت ، ميللي حوكومت ياراتديقدان سونرا چئشيدلي ميللي موزه لر ياراديلماليدير. البته آيدينلاريميز- ضياليلاريميز و خئيرخاه اينسانلاريميز بئله موزه لري اينديده ن ياراديب، ويا ياراديلماسي نين پايالاريني قويا بيليرلر. قئيد ائديله ن سرگي و سئمينارلارلا اينسانلاريميزدا ميللي شعورو جانلانديريب ، ميللي - وطني اخلاقين گوجلنمه سينه يارديم ائديله بيله ر


ميللتيميزين آيدين و ضياليلاري نين گوره جه يي آنا ايشلردن بيريده ميللي كولتوروموزه عاييد آبيده لري قوروماق، اينسانلاريميزا تانيتديرماقدير. يئرآلتي تاپينتيلاري نين )باستاني اپرلري( قورونماسي، شخصي چيخارلاريني دوشونن شخصلر طرفيندن ، ياخود مستملكه چي حاكمييت طرفيندن تالان ائديليب - ساتيلماسي نين قارشي سيني آلماقدير. بو يازماقلا، دئمكله، بيلديريشلر يايماقلا و... مومكوندور. تاريخي تاپينتيليق ) ارحيئولوڑيك ( يئرلرين قازيلماسينا، داغيديلناسينا مانع اولماق اوچون بوتون ايمكانلاردان فايدالاناراق بو ايشلري گوره نلري ايفشا ائتمك لازيمدير. چونكي بو كيچيك قازانج حقيقتده ميللتيميزين تاريخي نين سندلريني يوخ ائتمك دئمكدير. بو ايش مستملكه چيلرين خئيرينه اولان ايشلردير. چونكو اونلار بيزم تاريخي يوخ ائتمك ايسته ييرلر. بونون قاباغي آلينماليدير. ائله خالق كوتله لريني بيلينچلنديرمك بو ايشه خيدمت ائده بيله ر. چونكو ميللت بيلينچلي اولدوقدا اوزو بونا مانع چيليك يارادار. هر بير كيچيك ساخسي ميللتيميزي ، كولتور و نئچه مين ايلليك مدنييتيميزي تانيتديران ، گوستره ن جانلي سند اولماقلا ياناشي ، ميللي ثروتلريميزدن بيري ساييلير مستقيل اولموش آذربايجان آدلي وطنيميزده بوتون بو اثرلر ميللي موزه ميزده، تاريخ موزه ميزده، ائتنوگرافي موزه ميزده ، آرشيو موزه ميزده و... قورونوب ساخلاناجاق، يئرلي و خاريجي بيليم آداملاري طرفيندن علمي آراشديرمالار، اينه له مه لر آپاريلاجاقدير، تاريخيميزي قارانليق طرفلري آيدينليغا قوووشاجاقدير. ميللتيميز بو اثرلرله ، بو اثرلرين بيزيم ايختياريميزدا قويدوغو بيلگيلرله افتخار ائده جكدير

آذربايجان ميللي موزه سي: بوگون آذربايجانين ميللي و تاريخي اثرلري تهرانا، آوروپا و آمئريكايا د اشينماقدا، ده يه ري - ده يمه زينه ساتيلماقدادير. قئيد ائتدييميز كيمي بونلارين ان كيچيك بير پارچاسي ميللتيميزين ميللي كولتور، تاريخ ، عنعنه، تئكنيك، ياشام و... حاقيندا معلومات الده ائتمك اوچون بويوك اهمييت داشيماقداديرلار. بونلارين بو شكيلده تالان ائديلمه سيله بوتون بو بيلگيلري ايتيرميش اولوروق. آذربيجان ميللي موزه سينده ميللي اثرلرله ياناشي ، آذربيجانين باشقا - باشقا يئرلرينده ايشله ديله ن وساييط، اسكي چاغلاردان ياراديلان قوماشلار، پرده لر، خاليلار، آذربايجان ائوي نين اوزه ليكلري ، تنديري ، چورك پيشيرمه طرزي ، چوره ك و زومار زئرزه ميسي ، سو آنباري و... گوسته ريلمه ليدير.

صفويلر دوورونده ايصفهانا داشينان ال صنعتلريميز) منبت كارليق، چيني كارليق، قازما كارليق و ميس ايشلري و... باشقالاري( ، آذربايجانين چئشيدلي دوورولرينه عاييد سيكه لر - پوللار، محتليف اثرلر، تاپيلان يازيلي لوحه لر ، موميالار و... سرگي يه قويولماليدير 

البته بو موزه ده اولان بير چوخ اثرلرين دوزه تيلمه سي ، تاريخلري حاقدا يازيلي معلوماتلارين يانيندا جانلي ويا ويدييو فيليملر گوستريلمه ليدير. يعني ميللي موزه ميز اولو يوخ، جانلي ، سئيريجي )تاماشاچي( ايله دانيشان موزه اولماليدير

آذربايجان كيتاب موزه سي : آذربايجان ال يازمالاري موزه سي آذربايجان ميللي موزه سي نين يانيندا ان موهوم موزه لريميزده ن بيريدير. گونئي آذربايجاندا ايلك ال يازي موزه سي نين پاياسيني قويان شخصلردن بيري حورمتلي نخجيواني عائله سيدير. بو عائله اوز شخصي پولو و امه يي ايله آذربايجان تاريخينده گورونمه ميش بير عمله ال آتميشدير
 
اراق نئچه يوز ايلليكلرين ال يازمالاريني ، مينلرجه ناخيشلي، ال ايله يازيلميش كيتابلاري شاه رئڑيمي نين و شوونيستلرين ياغماسيندان قورتاراراق تبريز جماعتي نين شخصي پولو ايله تيكيلميش كيتابخانادا آذربايجان ميللتينه ، يعني اونلارين حقيقي صاحيبلرينه هدييه ائتميشدير. شاهين ايسته يي ايله » بنياد پهلوييه « وئرمه ميشدير. فارس شوونيستلري و آذربايجان ميللتي نين دوشمنلري بونو ياددان چيخاتماميشديلار . ائله بونا گوره ده فوندامنتاليست - تئرورچو خميني رئڑيمي حاكميته گتيريلديكده ن سونرا تبريز جماعتي نين پولو ايله ، امه يي ايله تيكيلميش كيتابخاناني مصلي تيكمك آدي آلتيندا ييخيب ، نخجيواني جنابلاري نين ميللتيميزه باغيشلاديغي ايرثي داغيتديلار ، تهرانا داشيديلار، خاريجي اولكه لرده ده يه ري - ده يمه زينه حراجا قويدولار. و تيكرار عملده آذربايجان ميللتينه اولان نيفرتيني گوسترديلر. اونلار يالنيز تبريزده يوخ اردبيلده ده صفوي خزانه سي ايله بيرليكده تاريخي كيتابلاريدا اوغورلاديلار. آمما ميللتيميز زاماني گلديكده بئله بير كيتابخاناني ياراداجاقدير. و بئله بير ال يازمالاري موزه سينده غئيره تلي ، فداكار اوغلو نخجواني دا ياددان چيخارديلمياجاقدير. ميللتيميزين آزادليغي ، مستقيللي يي اوغروندا موجاديله وئره ن آذربايجان ميللتچيلري اينديده ن بونا حاضيرليق ايشاري اپارماليديرلار

 دایانیشما» زولیداریتئت - همبستگی « سوزونون معناسی اینسانلارین بیر- بیرینه دایاق اولماسی، قولوندان توتماسی ، دستکله مه سی دئمکدیر. میللی دایانیشما ایسه بیر میللتین ، بیر توپلومون » جامعه نین« اینسانلاری نین بیر عائله ده اولدوغو کیمی بیر- بیری نین قئیدینه قالیب ، دستک اولوب ، دایاق دورماسیدیر

دایانیشمانین یوکسک اولدوغو توپلوملاردا میللی اخلاق دا یوکسک سوییه ده ، عکسینه میللی دایانیشما دوشوک اولان اولکه لرده ایسه میللی اخلاق آشاغی سوییه ده دیر

آذربایجان میللتی اولاراق بیر تورکلرین گوزه ل خصوصییتلرینده ن بیری گونلوک حیاتیمیزدا میللی دایانیشمایا بویوک یئر وئرمه میزدیر. بو خصوصییت میللی بیر عنعنه کیمی نسلیده ن - نسله وئریلمیشدیر. چتین گونلرده ، میللی قیاملاردا اوزونو گوسترمیشدیر. وطنی اخلاق یاخود میللی اخلاق یالنیز بوگون یاشادیغیمیز آنا وطنیمیز آذربایجانین بوگونو ایله محدودلاشمیر. عکسینه ۷۵۰۰ ایلده ن چوخ تاریخه مالیک بیر میللت اولاراق یارادیب ، گوزه لشدیریب ، تکمیللشدیریب بو گونکو قورشاغین گلیب الینه چاتان میللی کولتور ، عنعنه و گله نک لردندیر. » آذربایجان اراضی سینده اینسانلارین یاشاما تاریخی ۲۰۰ مین ایلده ن چوخدور. ) آذربایجان اینجه صنعتی( آدلی کیتابدا قئید ائدیلمیشدیر- آلمان دیلینده ، یازیچیلاری ل. بئرت نیزکی، ب. وه یمارن ، ب. بیرئنتیس ۱۹۸۸ لایپچیق« بو ایرثـه صاحیب چیخماق وطنی اخلاق دئمکدیر. بونلارین بیزی او بیری میللتلردن فرقیلندیره ن خصوصیتلردیر.

وطنی - میللی اخلاق میللت ین فرد - فردلرین سئومک معناسینادا گلیر . دونیانین هاراسیندا اولورسا - اولسون وطنی اخلاق ایجاب ائدیرکی ، اوز میللی کولتورونه - میللتینه باغلی اولسون . وطنین قئیدینه قالسین . طبیعی دیرکی ، وطنده اوز ائولادلارینی اونودمامالیدیر. لازیم اولدوقدا اونلارا صاحیب چیخمالیدیر. اورنک » میثال« اولاراق بیر آلمانلی، بـــیر فرانسالی، بــیر آمئریکالی ...دونیانین هانسی بوجاغیندا بیر زورلوقلا قارشیلاشیرسا ، اوزونون حل ائده بیلمه یه جه یی بیر اولقو » حادیثه« ایله توش گلیرسه ، اونا اوز حوکومتی یاردیم الینی اوزادیر. حتا اولکه سینده کی وطنداشلاریدا اونون قئیدینه قالیرلار. یعنی میللی - وطنی اخلاق اوزونو میللی بیر دایانیشما شکلینده عکس ائتدیریر

وطنی اخلاقدا وطنین هر بیر قاریشی مقدسدیر. بو هر میللت اوچون گئچه رلیدیر. فرانسالی سیدا ، اینگیلیسیده ، ایتالییالیسی دا ... بیر قاریش توپراغینی اوزگه سینه باغیشلاماز. باغیشلانماسینادا ایجازه وئرمه ز. بونلاری نظره آلدیقدا مستملکه ده یاشایان میللتیمیزی و ایران دئییله ن یئری نظردن گیچیرمه میز مقصده اویقوندور. فارسلار اینگیلیسلرین یاردیمی ایله حاکمییتی اله گئچیردیکده ن سونرا رادییو - مطبوعات و سون ۳۰ - ایلده تئلویزییونلاری واسیطه سیله اوزلرینی میللتیمیزه تحمیل ائتمه یه چالیشمیش و چالیشیرلار. بیزیم دیل و مدنییتیمیزی یوخ ائدیب، آذربایجان شاعیر - یازیچی و عالیملری نین ساده بیر قبیله دیلی اولان فارس دیلینی دیل شکلینه سالدیقلارینی گورمه مه زلیکده ن گله ره ک ، هامان دیلی بو دفعه تک بیر دیل اولاراق بیزه و باشقالارینا زورلا قبول ائتدیرمک ایسته ییرلر. بیزیم میللتیمیزه و اوشاقلاریمیزا بو یاد دیلی و مدنیتی اویزه تمه یه ایصرارلی دیرلار. اونلارین مقصدی بیزلری فارسلاشدیریب ، ایرانچیلیغی ، آذربایجانچی لیق و تورکچولوک یئرینه اوتورتماق ، اوزلشدیرمک دیر. بونون نتیجه سینده میللتیمیزده مصوصا اوخویوب - یازان گنجلریمیزین چوخوندا قئید ائدیله ن مدنی و وطنی اخلاق ، میللی خصوصییتلر آرادان گئدیر. یعنی کیملی یینی ایتیرمیش اولور. اونلار اوز مدنییتلرینی ، میللی کیملیک لرینی ایتیردیکده ن سونرا اوزلرینه یادلاشیرلار. بس بیزیم آذربایجان توپلومو مستقیل یوخ ، مستعمره ده اولان بیر اولکه اولدوغوندان بیر- بیرینده ن فرقیلی اولاراق چئشیدلی تربیه - کولتور موجوددور. بونلارین بـــیر بولومو سونرادان گتیریلدییی اوچون بیر - بیرینه یاد کولتورلردیر. یعنی خالقین باغریندان چیخمادیغیندان بیری او بیرینی آنلاییب درک ائده بیلمیر. بئله بیر حال گئچمیشده کی غرب مستعمره لری نین چوخوندا باش وئرمیشدیر. مستعمره دوورونده مدنی ، وطنی و میللی اخلاقین قورونماسیندا یاشلی لارین ، آنلایان آتا- آنالارین ، اوزونو تانیمیش آیدینلارین بویوک پایی وظیفه ســی واردیر. صاباحکی مستقیل وطنیمیزده بو اوزون ایللرین تاثیرلرینی سیلمک ، بو منفی گلیشمه نین قاباغینی آلماق مدنی - وطنی و میللی اخلاقین جانلانیب گوجلنمه سی ایله مومکوندور. یعنی میللتیمیز اوز کیملی یینه صاحیب چیخماسی ایله یاناشی غرب اولکه لریله بیلیم و چئشیدلی ساحه لرده امکداشلیق ائتمکله غرب مدنییت ینده ن پای آلماق اولا بیله ر. آمما بو قاباقکی گلیشمه لردن فرقیلی دیر. بو آوروپا مدنییتینی منیمسه مک بیلینج اوستونده دیر. ظواهیرینی تقلید ائتمک دئییلدیر. نئجه کی ڑاپون ، کوره ، هونگ کونگ ، سنگاپور...کیمی اولکه لر اوز مدنییتلری ایله غرب مدنییتینی بیر- بیرینه تطبیق وئره ره ک گلیشمه لرینه سبب اولموشدور. بئله لیکله ده دیکتاتورلوغا آلیشدیریلان آذربایجان توپلومو دئموکراتیک بیر توپلوما چئوریله جکدیر. مدنی، وطنی اخلاق دا گئت - گئده تیکرار اوز اسکی یئرینی آلاجاقدیر. اینسانلاریمیز ایلک اولاراق اوز هموطنلرینی، ائله جه ده بوتون اینسانلاری سئوه جکدیر. گئریجی لییه سون قویاجاقدیر. توپلومومور فردلرین اوزلرینه اولدوغو کیمی اونلارین ملکییت لرینه ، آزادلیقلارینا، دوشونجه لرینه ائحترملا یاناشاجاقدیر

بورادا میللی اخلاقین شوونیست فوندامنتالیست فارس رئڑیمی مستملکه سیده نئجه ده ییشدی یینی ده گوزده ن گئچیرمک ایسته ردیک . مستملکه چی فارس شوونیزمی رضا . محمد رضا و خمینی رئڑیملری نین آلتیندا یئتیشه ن و تربیه آلان آیدینلاریمیزین بیر حیصه سی اوز میللتینی سئویب ، اونون یانیندا یئر آلماقدانسا چوخ واخت مستملکه چی بو رئڑیملرین قوللوقچوسو اولورلار. بیلمه دن اونون شوونیست و مستملکه چی سیاستی نین ایجراچی سینا چئوریلیرلر.مدنی - میللی اخلاقین پوزولماسی نتیجه سینده میللتینه قوللوقچولوق ائتمک، خالقینی سئومک یئرینه اونو سویماغا، قورخو - قدغه گلمه یه باشلاییرلار. اوزلرینی - کیملیکلرینی دانیرلار. بئله اولدوقدا طبیعی اولاراق اونلار خالقین ایچینده اوز محبوبییتلر ینی ایتیریرلر. خالقین اونلاردان خوشو گلمک یئرینه آجیغی گه لیر. حتا چوخ واخت تیفرت ائدیر. مدنی بیر توپلومدا آیدینلاریمیزین آراسیندا مثبت رقابت ین اولماسی گره کلی دیر. بو مثبت رقابت اونلارین گلیشمه سینه ، بیلگی لری نین آرتماسینا ، علمی ساحه لرده آراشدیرمایا ، یئنی بولقولارین ) احترا( اورتایا چیخماسینا سبب اولار. خالقا داها یاخشی خدمت یوللاری آختاریرلار. بونلار گوزه ل شئیلردیرلر. امما منفی رقابت ، سن اولما - من اولوم ، گیجیک ائتمک ، گوز چیخار...بیر- بیرینی سئومه مه یه گتیرب چیخاردیر. آرالاریندا نیفرتی آرتیرار، دایاق دورماغا مانع اولور. سیراوی وطنداشلاریمیزدا میللی خصوصییت لر، مدنی اخلاق و دایاق دورما احوال - روحیه سی ضعیفله سه ده هنوز اوزونو قوروماقدادیر. اونلار بیر- بیرلرینی سئویرلر. زور دوروملاردا بیر- بیرلرینی قوللاییرلار. الینده ن توتورلار. چونکی بو حاللار بیز تورکلرین - آذربایجانلیلارین ایچینده اولان سجیه وی خصوصییتلردیر. بو تک اوز میللتیمیز اوچون یوخ ، حتا اوزوموزده ن اولمایان میللتلر اوچونده گئچه رلیدیر. یعنی بیز اونلارادا الیمیزده ن گه لن یاردیمی ائدیریک. بونا گوره ده اوزگه میللتلردن اولانلار حتا فارسلاردا آذربایجانلیلارین - تورکلرین باجاریقلی، اوره یی آچیق، مهربان - قوناق پرور اولدوقلارینی تایید ائدیرلر. بو غربی اولکه لرده یاشایان آذربایجانلیلار اوچونده

. گئچه رلیدیر

گورولدویو کیمی وطنی اخلاق و مدنی اخلاق بـــیری - بــیری نین تــماملاییجی سیـدیر. بیری اینسانلاریمیزی ، سویداشلاریمیزی ، نهایت میللتیمیزی سئومک معناسینا گلسه ده ، مدنی اخلاق اولکه حدودلارینی آشیب باشقا اینسانلاری و میللتلریده ایچینه آلیر. طبیعی دیرکی، میللی قورتولوش موجادیله سینده یاخود ساواش اولدوغو حاللاردا مدنی اخلاق نورمال شراییطده ن فرقیلی اولاراق وطنی اخلاق اوستون گلمکده دیر. بو عمومیت داشیمیر، و گئچیجی بیر حالدیر. ایختلافیمیز اولان میللتین ائشی یینده کی باشقا میللتلره قارشی گئچه رلی دئییلدیر. اولگه میزین دورومونو نظره آلاراق هر حال- کاردا میللی دایانیشمانین گوجلنمه سی اوچون وطنی اخلاقا اوستونلوک وئریلمه لیدیر. وطنی اخلاقین گوجلنمه سی اوچون اساس عامیللر اینسانلارین اوز کیملیکلرینی، گئچمیشلرینی ، دیل، موسیقی و عنعنه لرینی تانیماقلا، اونلاری منیمسه مکله ، اونلاری اوز منلیکلری نین بیر پارچاسی کیمی گورمکله مومکون اولاجاقدیر. یعنی اورتاق بیر ویجدانین یارانماسی شرطدیر. مستملکه ده اولان بیر میللتین آیدینلاری نین ، میللتچی لری نین و قورتولوش موجادیله سینه قاتیلانلاری نین وظیفه سی ائله یوخاریدا قئید ائدیله نلری اوز میللتینه خاطیرلاتماق ، اونلارین گوزه لیکلرینی اونلارا تانیتدیرماق، مستملکه نین قویدوغو تاثیرلری ، توز- توپراقلاری گوزلردن اوره کلردن سیلمکدیر

اورتاق ویجدانا، میللی بیرلی یه اولاشدیقدا آنجاق ایستیقلالییتیمیزی سوزون تام معناسیندا الده ائدیب ، آزادلیغا دایانان دئموکراتیک حقوق دوولتیمیزی قورماق مومکون اولاجاقدیر. میللی بیرلی یین یارانماسی ایسه، وطنی اخلاقین یاخود میللی شعورون گوجلنمه سینده ن ایره لی گلیر. بونون اوچونده میللی کولتوروموزو، اونون اینجه لیکلرینی ، اونودولموش طرفلرینی ، گوزه لیکلرینی گوزلرین قاباغینا سرمک لازیمدیر. بوگونکو مستملکه شراییطینده چئشیدلی ساحه لرده سرگی ار) نمایشگاهلار( آچماق، هرکسن آنلایاجاغی دیلده سئمینارلار » بیلیک ییغینجاغی« گئچیرمک، کولتوروموزه عایید هر شئیی توپلاماق ، آختاریب تاپماق آنا وظیفه لریمیزدندیر. ایستیقلالییتیمیزی الده ائدیب، میللی حاکمییت ، میللی حوکومت یاراتدیقدان سونرا چئشیدلی میللی موزه لر یارادیلمالیدیر. البته آیدینلاریمیز- ضیالیلاریمیز و خئیرخاه اینسانلاریمیز بئله موزه لری ایندیده ن یارادیب، ویا یارادیلماسی نین پایالارینی قویا بیلیرلر. قئید ائدیله ن سرگی و سئمینارلارلا اینسانلاریمیزدا میللی شعورو جانلاندیریب ، میللی - وطنی اخلاقین گوجلنمه سینه یاردیم ائدیله بیله ر

میللتیمیزین آیدین و ضیالیلاری نین گوره جه یی آنا ایشلردن بیریده میللی کولتوروموزه عایید آبیده لری قوروماق، اینسانلاریمیزا تانیتدیرماقدیر. یئرآلتی تاپینتیلاری نین )باستانی اپرلری( قورونماسی، شخصی چیخارلارینی دوشونن شخصلر طرفیندن ، یاخود مستملکه چی حاکمییت طرفیندن تالان ائدیلیب - ساتیلماسی نین قارشی سینی آلماقدیر. بو یازماقلا، دئمکله، بیلدیریشلر یایماقلا و... مومکوندور. تاریخی تاپینتیلیق ) ارحیئولوڑیک ( یئرلرین قازیلماسینا، داغیدیلناسینا مانع اولماق اوچون بوتون ایمکانلاردان فایدالاناراق بو ایشلری گوره نلری ایفشا ائتمک لازیمدیر. چونکی بو کیچیک قازانج حقیقتده میللتیمیزین تاریخی نین سندلرینی یوخ ائتمک دئمکدیر. بو ایش مستملکه چیلرین خئیرینه اولان ایشلردیر. چونکو اونلار بیزم تاریخی یوخ ائتمک ایسته ییرلر. بونون قاباغی آلینمالیدیر. ائله خالق کوتله لرینی بیلینچلندیرمک بو ایشه خیدمت ائده بیله ر. چونکو میللت بیلینچلی اولدوقدا اوزو بونا مانع چیلیک یارادار. هر بیر کیچیک ساخسی میللتیمیزی ، کولتور و نئچه مین ایللیک مدنییتیمیزی تانیتدیران ، گوستره ن جانلی سند اولماقلا یاناشی ، میللی ثروتلریمیزدن بیری ساییلیر مستقیل اولموش آذربایجان آدلی وطنیمیزده بوتون بو اثرلر میللی موزه میزده، تاریخ موزه میزده، ائتنوگرافی موزه میزده ، آرشیو موزه میزده و... قورونوب ساخلاناجاق، یئرلی و خاریجی بیلیم آداملاری طرفیندن علمی آراشدیرمالار، اینه له مه لر آپاریلاجاقدیر، تاریخیمیزی قارانلیق طرفلری آیدینلیغا قوووشاجاقدیر. میللتیمیز بو اثرلرله ، بو اثرلرین بیزیم ایختیاریمیزدا قویدوغو بیلگیلرله افتخار ائده جکدیر

آذربایجان میللی موزه سی: بوگون آذربایجانین میللی و تاریخی اثرلری تهرانا، آوروپا و آمئریکایا د اشینماقدا، ده یه ری - ده یمه زینه ساتیلماقدادیر. قئید ائتدییمیز کیمی بونلارین ان کیچیک بیر پارچاسی میللتیمیزین میللی کولتور، تاریخ ، عنعنه، تئکنیک، یاشام و... حاقیندا معلومات الده ائتمک اوچون بویوک اهمییت داشیماقدادیرلار. بونلارین بو شکیلده تالان ائدیلمه سیله بوتون بو بیلگیلری ایتیرمیش اولوروق. آذربیجان میللی موزه سینده میللی اثرلرله یاناشی ، آذربیجانین باشقا - باشقا یئرلرینده ایشله دیله ن وساییط، اسکی چاغلاردان یارادیلان قوماشلار، پرده لر، خالیلار، آذربایجان ائوی نین اوزه لیکلری ، تندیری ، چورک پیشیرمه طرزی ، چوره ک و زومار زئرزه میسی ، سو آنباری و... گوسته ریلمه لیدیر.

صفویلر دوورونده ایصفهانا داشینان ال صنعتلریمیز) منبت کارلیق، چینی کارلیق، قازما کارلیق و میس ایشلری و... باشقالاری( ، آذربایجانین چئشیدلی دوورولرینه عایید سیکه لر - پوللار، محتلیف اثرلر، تاپیلان یازیلی لوحه لر ، مومیالار و... سرگی یه قویولمالیدیر

البته بو موزه ده اولان بیر چوخ اثرلرین دوزه تیلمه سی ، تاریخلری حاقدا یازیلی معلوماتلارین یانیندا جانلی ویا ویدییو فیلیملر گوستریلمه لیدیر. یعنی میللی موزه میز اولو یوخ، جانلی ، سئیریجی )تاماشاچی( ایله دانیشان موزه اولمالیدیر

آذربایجان کیتاب موزه سی : آذربایجان ال یازمالاری موزه سی آذربایجان میللی موزه سی نین یانیندا ان موهوم موزه لریمیزده ن بیریدیر. گونئی آذربایجاندا ایلک ال یازی موزه سی نین پایاسینی قویان شخصلردن بیری حورمتلی نخجیوانی عائله سیدیر. بو عائله اوز شخصی پولو و امه یی ایله آذربایجان تاریخینده گورونمه میش بیر عمله ال آتمیشدیر

نخجوانی عائله سی نین توپلادیغی نئچه یوز ایللیکلرین ال یازمالارینی ، مینلرجه ناخیشلی، ال ایله یازیلمیش کیتابلاری شاه رئڑیمی نین و شوونیستلرین یاغماسیندان قورتاراراق تبریز جماعتی نین شخصی پولو ایله تیکیلمیش کیتابخانادا آذربایجان میللتینه ، یعنی اونلارین حقیقی صاحیبلرینه هدییه ائتمیشدیر. شاهین ایسته یی ایله » بنیاد پهلوییه « وئرمه میشدیر. فارس شوونیستلری و آذربایجان میللتی نین دوشمنلری بونو یاددان چیخاتمامیشدیلار . ائله بونا گوره ده فوندامنتالیست - تئرورچو خمینی رئڑیمی حاکمیته گتیریلدیکده ن سونرا تبریز جماعتی نین پولو ایله ، امه یی ایله تیکیلمیش بو کیتابخانانی مصلی تیکمک آدی آلتیندا ییخیب ، نخجیوانی جنابلاری نین میللتیمیزه باغیشلادیغی بو تاریخی ایرثی داغیتدیلار ، تهرانا داشیدیلار، خاریجی اولکه لرده ده یه ری - ده یمه زینه حراجا قویدولار. و تیکرار عملده آذربایجان میللتینه اولان نیفرتلرینی گوستردیلر. اونلار یالنیز تبریزده یوخ اردبیلده ده صفوی خزانه سی ایله بیرلیکده تاریخی کیتابلاری اوغورلادیلار. آمما میللتیمیز زامانی گلدیکده بئله بیر کیتابخانانی یاراداجاقدیر.یوخ اولان بو کیتابلاری هرنه باهاسینا اولورساـ اولسون آلیب یئرینه قویاجاقدیر.قورولاجاق بئله بیر ال یازمالاری موزه سینده میللتیمیزین غئیره تلی ، فداکار اوغلو نخجوانی عائله سیده یاددان چیخاردیلمیاجاقدیر. میللتیمیزین آزادلیغی ، مستقیللی یی اوغروندا موجادیله وئره ن آذربایجان میللتچیلری ایندیده ن بونا حاضیرلیق ایشلری آپارمالیدیرلار . نحجیوانی عائله سی نین گوردویو ایش میللی اخلاق و دایانیشما اوچون بیر اورنک ) میثال( اولا بیله ر.چونکی میللی اخلاق دا میللتیمیزین میللی عنعنه سینی گوسته ره ن فداکارلیق ، میللتینه سئوگی دویقولارینی عکس ائتدیرمکده دیر. میللی اخلاق، میللی کیملی یی تانیماق ، اتیله ـ سمومو ایله درک ائتمک ، اونونلا غرور دویوب یاشاماقدیر. یوخاریدا آدلارینی چکدییمیز موزه لر میللی کیملی یین تانینماسیندا بویوک  رول اوینارلار.بیرآذربایجانلی بو موزه لره ایاق باسدیقدا مین ایللر بویو یاشادیغی وطنی نین تاریخینی، کولتورونو ، عنعنه لرینی اوز گوزلری ایله گوروب، اوزونو بو کولتورون، بو وطنین بیر پرچاسی گورمکله اوز میللی کیملی یینی تانییاجاق، ایچینده سئوینج ، فرح و غرور حیس ائده جکدیر. بئله لیکله یالنیز میللی کیملی یینی یوخ ، اوز میللی اخلاقینی تاپاجاقدیر. ایسته رـ ایسته مز اوز ایچینده میللتی ایله، سویداشلاری ایله بیر باغلانتی دویاجاقدیر. بو دویقودا دایانیشمانی اوزو ایله گتیره جکدیر. هر گوره جه یی ایشده ، آتاجاغی آددیمدا یالنیز اوزونو، شخصی چیخارلارینی ـ منافعینی یوخ ، وطنی نین ، میللتی نین، سویداشلاری نین چیخارلارینیدا دوشونه جکدیر. وطنی نین ، میللتی نین گلیشمه سی ـ ترقی سی اوچون یوللار آختاراجاقدیر.ایلک باشدادا قئید ائتدییمیز کیمی گلیمیش اولکه لرده بو خصوصیتلر یوکسک سوییه ده دیر. بونلار عین زاماندا بیر بیر میللتین معنوی ـ اخلاقی سجییه لریدیر