VAHİD MÜSTƏQİL AZƏRBAYCAN CƏBHƏSİ
UNITED INDEPENDENT AZERBAIJAN FRONT -UIAF
Textfeld: UNITED INDEPENDENT AZERBAIJAN FRONT -UIAF

                                                            واحید مستقیل آذربایجان جبهه سی   

 

 

                                                                 

                                           

                                                                                

                                        

 

                                                           ۲                                        

  

 

 

 

 

        

                                                                                                         ۱ ۲  ۳ ۴ ۵ ۶

                                     اورومییـه سوی قیریمی نین آبیده سی 

Program and Platform of The United Independent Azerbaijan Front

The Vahid Mustaqil Azerbaijan Jabhasi (UIAF) believes in a state in which the social freedom, democracy and the UN's Charis arcrespected. The UIAF supporis the separation of religion from politics, ending dictatorship,condemning a person or a group of people or a party or an organisation that relies on dictatorship. The UIAF believes in equality and responsibility of everybody before the country's interests and constitution. It also condemns any kind of threat, torture, death penalty or superiority and announces illegality of any deviation from or negligence of or abuse of constitution to a person or a group of people or a party or an ethnic group's own interests.
The UIAF being loyal to our ancestors and their way of traditional method of running the country, believes in existence of provinces, councils and administrative divisions. It will reve the Khanates, administrative division, provinces and councils which together make up the "Azerbaijan Republic". In tne proposed administrative sistem, each Khanate or province or council or state will have its own local parliament and govemment. Each Khanate or division or province or council will run its own affairs within the constitution of Azerbaijan.
In this way alone we will be ahle to guarantee the rights of every ethnic groups and provide them with the opportunity to practice their own cultures, religions, traditions, longuages and other rights. These principles, forming the core of the UIAF's programmes and aims, will also make the back bone of the future state and govemment which guarantees equality of evervone before the constitution and law. These principles will bring about national unity and at the same time equality for every citzen. In turn this will result in a strong, wealthy and independent Azerbaijan that can guarantee prosperity, security and rights for everyone. For this reason, the UIAF's drafted twenty point proposal under the heading "Azerbaijan and Kilanates" accommondates the rights and places of governments of Azerbaijan and Khanates. According to these twenty points any legislation proposed by the Azerbaijan Central Govemment will have to be approved and agreed upon by councils of all Khanates. The members of "Councils of Khanates" will be elected by the people each Khanate. According to this proposal Southem Azerbaijan consists of nine Khanates (provinces) and the Article 26 of the proposed Constitution of UIAF states
that.
"The present constitution of Azerbaijan is drawn up, prepared and
written up by all Khanates, States or Divisions of Azerbaijan
meaning the Khanates of Arak, Ardabil, Hamadan, Marage, Qazvin,
Solduz, Tabriz, Urumiyye and Zanjan".

Taken from the UIAF's Programmes.

 

  

 

20 ژانووارین 22ـ نجی ایلدونومو                                          

 بیر میللتین تاریخینده ائله اولقولار(حادیثه لر) باش وئریرکی ،او میللتین حیاثیندا بویوک  ایزلر بوراخمیش اولور. بئله حادیثه لردن بیریده قوزئی آذربایجانیمیزدا قورباچوفون باشچیلیغیندا مستملکه چی اوروسلارین الی ایله حیاتا کئچیریله ن قانلی ژانوییه دیر. 7۰ ایلده ن چوخ قورتاریجی اوردو آدی ایله تبلیغ ائدیله ن بو قیزیل اوردو  خقیقتده قورولدوغو گونده ن  اوروس ایمپئرییلسی نین هدفلرینی گودموش ، بو یولدا آددیملامیش ، و میللتلری اوروس اسارتی آلتیندا ساخلاماغی آنا قایه سی سئچمیشدیر. نئجه ده کی بو اوردونون ایلک یاراندیغی گونلرده،  لئنین جنابلاری نین فرمانی ایله  2۰ ژانوییه ده اولدوغو کیمی، مستقیل دئموکراتیک آذربایجان جیمهورییتینی یوخ ائدیب، آذربایجانی  و قونشو گورجوستانی ایشغال ائتمیشدیر. 2۰ ژانوییه فاجیعه سی بیرینجی و یرایکینجی ایشغاللارین تیکرارلانماسی ایدی. آمما دونیامیز 17۰ یاخود 75 ایل بوندان قاباقکی ایللره قیسلا چوخ فرق ائتمیش ایدی. دیکتاتور سوویئت حاکمییتی ییخیلماقدا ایدی . بئرلین دوواری آلمان میللتی نین الی ایله یوخ ائدیله ره ک ، پارچالانمیش بو میللت اوز بیرلی یینی الده ائتمیش ایدی. سوویئت مستملکه سینده اولان  شرقی آوروپاداکی اولکه لرده، اوزلرینی سوویئت ـ اوروس کوله لی یینده ن قورتارماقدا ایدیلر.  سوویئت حاکمییتی اولوم ـ قالیم قیزدیرماسی کئچیریردی. الینی کولا ـ کوسا آتماقدا ایدی. یالانچی تبلیغاتلار میللتلرین آزادلیق و باغلی سیزلیق ساواشلارینی اورت باس ائتمه یه قادیر دئییل ایدی. چونکی حقیقت گونشی نین قارشی سینا دووار چکمک ایمکانسیزدیر. بلی بئله بیر دورومدا بیزیم آذربایجان میللتی ده آیاغا قالخاراق 17۰ ایللیک  اوروس و 75 ایللیک اونون سوویئت  حاکمییتینه سون قویماق ایسته ییردی. وطنین ، میللتین آزادلیغی یولوندا اولومه حاضیر اولموش ایدی. بونو عملده ده گوستردی. بو غئیرتلی بالالارین بیر بولومونون مزارلاریندا  شهیدلر خیاوانی ندا گورمک مومکوندور. بو مزارلیق تاریخ بویو گله جک قورشاق و نسیللر اوچون  ، و بوگون گونئی آذربایجاندا مستقیللیک و آزادلیق اوچون ساواشان باجی قارداشلاری اوچونده  وطن سئورلیک و حیات درسی دیر. گوزله  گورونن بو جانلی سند، بیر داها بونو ووقولاییرکی ، آزادلیق و مستقیلیک هئچ بیر میللته،  تیرمه  بوخچانین  آراسیندا هدییه ائدیله جک بیر شئی دئییلدیر. بو شهیدلریمیزین قانلاری ایله قوزئی آذربایجانیمیزین ایستیقلالییت سندی یازیلمیشدیر. باشقا سوزله دئسک ، 2۰ژانوییه فاجیعه سینی  17۰ ایللیک مستملکه چی لییه  قارشی آزادلیق و مستقیللیک  موباریزه سینده  دونوش نوقطه سی کیمی گومک اولار. بو فاجیعه دن سونرا قوزئی آذربایجانیمیزین مستقیللی یه  قووشماسی،  عین زاماندا  کئچه ن 2۰۰ ایللیک تاریخیمیزده   میللتیمیزین او تایلی ، بوتایلی آپادیغی موباریزه لرین ثمره سیدیر. آمما موباریزه و ساواش بیتمه میشدیر. طبیعی اولاراق،  ساواشین اساس بولومو،  بوگون گونئی آذربایجاندا آپاریلماقدادیر. ساواشا  اینام میللت و وطنسئورلیکده ن دوغار. بو سلاحا سارینان هر کس، هر  چئشید  فداکارلیغا حاضیر اولمالیدیر. حیاتدا هر شئییده ن  ده یه لی  اولان عائله نی  بئله  بویولدا قوربان  وئرمه یی باجارمالیدیر. چونکی وطن  آنالارین  آناسیدیر. اونا گوره ده  آنا وطن ، آنا توپراق دئمیشلر. اونا هر شئی قوربان اولا بیله ر. آنالار آناسینی کوله لیکده ن اسارتده ن  فورتارماق،  میللی شرفیمیزی یادلار الینده ن  قورنارماق  دئمکدیر.

بیز واحید مستقیل آذربایجان جبهه سی اولاراق وطنیمیزین آزادلیق و ایستقیلالییتینی الده ائتمک اوغروندا جانلاریندان کئچه ن بو ایگیت باجی ـ قارداشلاریمیزین یوکسک سوییه لی روحلاری  قارشی سیندا باش اییب ،عائله لرینه صبیر دیله ییریک . اونلار اولمه میشلر، آذربایجان آدلی وطنیمیز دوردوقجا  آذربایچان  میللتی نین اوره یینده یاشاییب ،تاریخینده یاشایاجاقلار.  اونلارین ایگیت لیک و قهرمانلیقلاری گله جک نسیللر اوچون حیات فلسفه سی اولاچاقدیر. چونکی اونلار

تام  ایستیقلالییتیمیزه یول آچان جاچیلاردیرلار.

 واحید مستقیل آذربایجان جبهه سی

19،01،2012

حورمتلی فرانسا پارلئمئنتوسونون پرئزیدئنتی                                             

 

سیزین پارلئمنتونوز  دئسامبر آیی نین 22 سینده سوی قیریم حاقدا بیر قانون چیخارمیشدیر. خصوصیله سوزده  ائرمنی سوی قیریمی نین اوستونده دورولموشدور. اگر بئله بیر قانون بوتون سوی قیریملارینا شامیل اولورسا ، طبیعی اولاراق بو سوی قیریملاری حاقدا دوشونمک و آپ آچیق تعصوبسوز هامیسی نین حاقیندا دانیشمامیز دوزگون اولار. چونکی بوتون آوروپا دولتلری کئچمیشده کولونیلرینده  سوی قیریملارینا ال آتمیش ، یئرلی اهالیلری ،دیل و مدنییت لرینی یوخ ائدیب ،اوز  دیل  و کولتورلرینی اونلارا تحمیل ائتمیشلر. بو دوولتلریده جزالاندیرماق حقوقی بیر دولتین و طرفسیز محکمه لرین وظیفه لرینده ندیر.  

ائرمنیلره گلدیکده،  اونلاردا ایدعا ائدیرلرکی ، عثمانلی تورکلری طرفینده ن سوی قیریمینا معروض قالمیشلار. و بیر میلیون یاریم ائرمنی اولدورولموشدور. ایلک اولاراق بئله بیر سوال اورتایا چیخیرکی، او زامان  ائرمنیلرین سایی  نه قده ر ایدی کی، اونلاردان بیر میلیون یاریم اولدورولموشدور!!.. بیرده اونلار و سیزین مئدییالارینیز دئییرلرکی ، اونلار عثمانلی اراضیلرینی ترک ائتمک زوروندا قالمیشلار. اونلار هارا گئتمیشلر. ؟!  بلی اونلارین چوخونو  روسلار آذربایجانین ایروان ، زنگه زور ،گویچه  و قره باع ایالتلرینده یئرلشدیرمیشلر ، ائرمنیلر ایلک گونده ن  یئرلیلری  ائشییه سالاراق، روسلارین الی ایله آذربایجان اراضیلرینده قوندارما ائرمنیستانین پایاسینی قویموشلار. اونلار بو اراضیلره گلدیکلری گونده ن  یئرلی اراهالی یه دیوان توتموشلار. گلدیکلرینده ن دوز بیر ایل سونرا قوزئی وگونئی آذربایجانین شهرینده بو دفعه سیزین مودافعه ائتدیینیز بو ائرمنیلر سوی قیریملارینا ال آتاراق 45۰ مین آذربایجانلینی اولدورموشلر. بو سوی قیریملاری قوزئی ده  ایروان ، قره باغ  ، باکی ، شاماخی ، گنجه و باشقا شهرلرده حیاتا کئچیریلمیشدیر. گونئی ده ایسه  اورومی ، خوی ، ماکی و سلماس شهرلرینده  او زامان اورومییه ده اولان فرانسا سفیری و پاپین نوماینده سی نین گوزلری قاباغیندا حیاتا کئچیریلمیشدیر. بیر گئجه ده  یوز مینده ن جوخ اینسان اوز ائوینده اولدورولموشدور. ائرمنیلر بو تاریخی جینایتلریله قالماییب ،سون اولاراق  آذربایجانین قاراباغ ایالتینی   روسلارین یاردیمی ایله ایشغال ائتمه یه قالخدیقدا خوجالی شهرینین اهالیسینی قیراراق، بوتون مدنی دونیانین گوزلری قارشی سیندا  تیکرار یئنی بیر سوی قیریمینا ال آتمیشلار. اونلار بونونلادا قالماییب ، قیشین اورتاسیندا 300 مین قالان یئرلی زنگه زور اهالیسی نیده اوز ائو ائشیک لرینده ن قوواراق ، دیده رگین سالمیشلار. آذربایجانین سون ایشغال ائتدیکلری اراضیلرینده  بوشالتماق ایسته میرلر.  بونودا بورادا قئید ائتمک یئرینده اولار کی ، ائرمنیلر آذربایجانا کوچورولمه دن قاباق ، بوتون قافقازدا جمعا 28 مین نفر ائرمنی داغینیق شکیلده  یاشاماقدا ایدی. بونا گوره ده ائرمنیلر اوزلری بو تاریخی فاکتلار قارشی سیندا جواب وئرمه لیدیرلر.طبیعی اولاراق بو آدی کئچه ن فاکتلار سیزلرین طرفینده ن نظره آلینمادیغی تقدیرده  بوتوو آذربایجان میللتی و دولتی بو فاکتلاری گونده مه  گتیره جکدیر. 

 واحید مستقیل آذربایجان جبهه سی

23 . 12. 2011

 M. le Président de l’Assemblée nationale, 

L’Assemblée nationale, a voté, le 22 décembre, la loi sur les génocides. Cette loi concernait le soi-disant génocide arménien. Si cette loi s’appliquait à tous les génocides, alors nous pourrions parler ouvertement de tous les génocides. Car, dans le passé, tous les pays européens ont eu des colonies et ont eu recours aux actes de génocides en éliminant les populations locales, leurs langues et cultures et en imposant les leurs. C’est un Etat de droit et une justice impartiale qui devraient punir ces pays.

Quant aux Arméniens, ils prétendent avoir subi un génocide commis par les Turcs ottomans. Ils parlent de la mort d’un million et demi d’Arméniens… !! Les questions suivantes devraient être posées : quel était leur population à l’époque pour qu’il y ait  un million et demi d’arméniens tués? Les Arméniens et vos médias disent qu’ils ont été obligés de quitter l’Empire ottoman. Où se sont-ils installés ? 

Effectivement, la majorité de ces Arméniens ont été installés par l’Empire russe sur les territoires azerbaïdjanais: les provinces d’Erévan, de Zengazur, de Göytcha et de Karabakh. A l’aide des Russes, les Arméniens ont chassé la population azerbaïdjanaise et ont jeté les bases de l’ « Arménie ». Depuis leur arrivé, les Arméniens ont fait souffrir les Azerbaïdjanais. Un an après leur installation, ces Arméniens que vous défendez ont massacré 40 000 azerbaïdjanais dans les villes de l’Azerbaïdjan du Nord (République azerbaïdjanaise) et en Azerbaïdjan du Sud (en Iran). 

Dans le nord (République azerbaïdjanaise), ce génocide a été perpétré dans les régions d’Erévan, de Karabakh, de Bakou, de Chamakhi, de Gandja et autres. *

Dans le Sud (Azerbaïdjan iranien) : dans les villes d’Ourmiyya, de Khoy, de Maki et de Salmas. Le consul de France et le nonce du Vatican en étaient témoins. **

En une nuit, plus de dix milles personnes ont été tuées chez elles. Les Arméniens ne se sont pas contentés de ce crime historique et ont commencé, à l’aide des russes, à occuper la région de Karabakh. Le 26 février 1992, les Arméniens ont massacré, en une nuit, toute la population de la ville de Khodjali. Un nouveau génocide a été réalisé sous les yeux du monde entier. En hiver, ils ont chassé 300 000 habitants de la région de Zengazur. 

Les Arméniens ne veulent pas rendre les territoires azerbaïdjanais qu’ils occupent (20 %).

Nous tenons à souligner qu’avant leur installation en Azerbaïdjan, le nombre total des Arméniens vivant dans le Caucase était de 28 000 et ils vivaient de façon disséminée.  

Les Arméniens doivent répondre à ces faits historiques. Même si vous refusez de les prendre en compte, le moment venu, le peuple azerbaïdjanais et son futur état  uni et indépendant sauront rappeler ces faits historiques. 

Le Front de l’Azerbaïdjan Uni et Indépendant

Tabriz, Azerbaïdjan du Sud (Iran) 

Annexes :

 *   : Histoire du Daglig (Haut) Garabagh à la lumière de Document Historique -1989        (3      volumes – en français)               

     **   : Mosalmanlarin Soygrimi Arazin O Tay Bu Tayinda – 2005 (en persan/farsi)              (Génocide des Musulmans de part et d’autre de l’Arax)

Copie à Monsieur le Président de la République Française

Copie à Monsieur le Président du Sénat de la République Française

Copie à Monsieur le Président de la Cour Constitutionnelle de la République Française

 

عرب دونیاسی نین باهاری ! و تونئس سئچگیلری ..

 

 نئجه دییه رلر غرب دونیاسی نین آدلاندیردیغی " عرب باهاری" اوزو ایله اینسان خاقلارینی ، آزادلیق و حقوق دوولتینی گتیریرسه ، طبیعی اولاراق  سئویندیریجی  بیر گلیشمه و اولقو (حادیثه) کیمی قبول ائتمک اولار. بیز کئچمیشده  بو حاقدا اولان یازیلاریمیزدادا بئله بیر مثبت گلیشمه نی اومید ائتمیشدیک . آمما بو عرب باهاری نین بایرتقچیسی اولان تونئس ده کی ایلک سئچگیلرده  ایسلامچی گوجلرین قازانماسی دوشوندوروجودور. چونکی تونئس  باشقا عرب اولکه لرینده ن فرقیلی اولاراق غربه ـ غرب مدنییتینه یاخین اولکه لردن بیری ساییلیر. اوزون بیر مدت فرانسا ایشعالی آلتیندا اولماسی  نتیجه سینده فرانسا مدنییتینده ن بللی بیر نیسبتده پای آلمیشدیر. فرانسا دیلی اولکه ده موتداویل دیل اولدوغو اوچونده فرانسا مطبوعاتینی اوخوماق مومکوندور.  بئله بیر اولکه ده سه سلرین یوزده 40 دان چوخونون ایسلامچیلارا وئریلمه سی بو اولکه اوچون اوغورسوزلوق ساییلیر. یعنی سئکولئر ـ لاییک دیکتاتور رئژیمین  یئرینه ایسلام ایدولوژوسونا دایانان بیر حاکمییتین گتیریلمه سی ایره لی یه یوخ گئرییه گئتمک دئمکدیر. بو ایسه  اولکه نین دئموکراسی و حقوق دولتی نین قورولماسی  و گلیشمه سی یولوندا  ایلک قویولان بویوک مانعه دیر.                                                       

غربین بو سئچگی لری آلقیشلاماسی ، مولاییم ایسلامچی لیغین ، رادیکال ایسلامچیلیقدان یاخشی اولماسینی وورقولایان غرب اولکه لری بونا  میثال تورکییه ده حاکمیتی اله کئچیره ن فوقول ـ کیراواتلی آغ پارتینی گوستریرلر. آمما تورکییه نین نئجه آغیر بیر فاجیعه یه سوروکلنمه سی اونلارین مسئله سی دئییلدیر. بلکه ده آرزو ائتدیکلری هدف دیر.                               

یئری گلمیش کن  بورادا بونودا قئید ائتمک یئرینده اولارکی  ایسلامییتین یوموشاغی و غئیر یوموشاغی یوخدور. نئجه کی سوسیالیزمین مولایمی و غئیر مولایمی اولا بیلمه زدی. چونکی هر ایکی دوشونجه نین پایاسی و خیشتینی بیر ایدولوژی تشکیل ائدیر. ایدولوژودادا  رئفورم ایمکانسیزدیر. خصوصیله ایسلام ایدولوژیسینده بو اصلن و ابده ن مومکون دئییلدیر. ایسلام ایدولوژیسی نین پایاسی قورآن و اونو تعبیر و تفسیر ائده ن دین خادیملریدیر.                      

تونئس ده اولان سئچگیلرین غرب دونیاسی طرفینده ن آلقیشلانماسی، بئله بیر اینتبا یارادیرکی ، عرب دونیاسیندا مینلرجه توکولن قان باهاسینا اولان ده ییشمه لر، ایران آدلانان یئرده شاهی آپاریب ، گئریجی فوندامئنتالیست خمئینی حاکمیتینی گتیرمکدیر. بئله اولورسا طبیعی اولاراق  تونئسلی ، میصریلی، لیبی لی و ساییره... اوتوز ایلده ن سونرا بیر دیلکتاتور رئژیمی ، فوندامنتالیست ایدولوژییه دایانان بیر رئژیمله ده ییشدیردیکلری نین فرقینه واراجاقلار. تونئسین آرخاسیندان میصریده " مسلمان قارداشلاری " نین سئچیملری قازانمالاری محتملدیر. و لیبی ده ایسه قدافی اولدورولر ـ اولدورولمه ز ایسلام و ایسلام شریعییت قانونلاریندان سوز آچماغا باشلامیشلار. یعنی بو ده ییشمه لرین آنا سببلرینده ن بیری اولان اینسان آزادلیقلاری ، آزادلیق و دئموکراس، حقوق دوولتی ، قادین و کیشی برابرلی یی کیمی اساس هدفلر آرخادا قالیر.                                                                                       

 واحید مستقیل آذربایجان جبهه سی  اولاراق تاکیدله بونون اوستونده دورماق ایسته ردیک کی، بیز هر چئشید فردی ـ حزبی و باشقا هر هانسی فورمادا اولان دیکتاتورلوقلا موخالیف اولوب بو یولدادا موباریزه آپاریریق. بونا کیمسه نین شوبهه سی اولماماسی لازیمدیر.             

 آمما بورادا بیر سوال اورتایا چیخیرکی ، آمئریکانین الی ایله آمئریکانین منطقه ده منافعینی تهلوکه یه سالان دیکتاتور صدام رئژیمی نین ده ییشدیریلمه سی ایله عراقدا دئموکراتیک ، داها لاییک بیر حاکمییت ایش باشینا گتیریلمیشدیر ؟!!  یوز مینلرجه اینسانین اولومو، و اولکه نین داغیلماسی ایله نتیجه له نن بو رئژیم ده ییشدییریلمه سی عراقدا هانسی دئموکراتیک بیر گلیشمه یه سبب اولموشدور.؟!! هانسی طرفی صدام رئژیمینده ن اوستوندور؟!! عکسینه عملده اولکه بو کئچه ن اون دورد ایله ایره لی گئتمک یئرینه ، گئرییه گئتمیش ، ایران رئژیمی نین الی ایله  ایسلام فوندامنتالیزمی داهادا کوک سالمیشدیر. عراقدادا لوبناندا اولدوغو کیمی قوم شهرینده ن گتیریله ن صدرین باشچیلیغی آلتیندا " عراق حزب اللهی " یارادیلمیشدیر.

آیا بو عرب دونیاسی نین باهاری پاکیستان ـ افغانیستادان توتوب آفریقاداکی موریتانیایا قده ر اوزانان ایسلامچی ـ فوندامنتالیست رئژیملرین یارادیلماسینا، برئزینیسکی نین  واختی ایله یاشیل قورشاق تئوریسنه خیدمت ائتمیرمی؟!! منطقه نی بئله بیر تهلوکه  گوزله میرمی؟!! اومید ائدیریک بئله اولماسین ، عرب دونیاسی نین آیدین و ضیالیلاری بئله بیر فاجیعه لی گلیشمه نین قارشی سینی آلیب، اوز اولکه لرینده ان آزیندان دئموکراسی نین شیتیللرینی اکمیش اولسونلار. آمما تاسوفله تونئس ، میصر و لیبیده اولان گلیشمه لر ایندیلیک بونو تایید ائتمیر.                                                                                                                

اورومیه گولونون قورتاریلماسی نه زامان مومکوندور ؟

حورمتلی وطنداشلاریمیز

 واحید مستقیل آذربایجان جبهه سی ایلک یاراندیغی گونده ن اوز اوزون و قیسا وعده لی ایش دوزه نینده (پروگرامیندا) آذربایجانیمیزدا اکین و اکیننچی لیک  ساحه سینی ساحمانا سالماق ، آذربایجانیمیزی تیکرار یاشیلاندیرماق، یئنی اکینچیلیک ساحه لری نین یارادیلماسینا چالیشماقلا یاناشی چئوره محیطینی قوروماسینیدا  اوز آنا هدفلرینده ن بیری سایمیشدیر. بونون اوچونده خزه ر ده نیزی نین سویوندان هر جهتلی یارارلانماقلا،  گونئی آذربایجانیمیزین  قوزئی ، گونئی و اورتا بولگه لرینه سو کاناللاری نین چکیلمه سی ، بو سولارلا یاراسیز ده ره لرین دولدورولماسی  اون گورولموشدور. حتا بو ایش دوزه نینده  اورومو گولونه خزه ر ده نیزینده ن کانال چکیلمه سی، یاخود گئنیش بورولارلا سویون پومپالانماسی نظره آلینمیشدیر. اورومو گولونون فاجیعه سی میللتیمیز طرفینده ن  گون موضوسو اولاراق داتیشیلماسی ایله یاناشی چاره یوللاری دوشونوممکده دیر. بیر چوخ سویداشمیز و بعضی عالیملریمیزین طرفینده ن واحید مستقیل آذربایچان جبهه سی نین  3۰ ایل بوندان قاباقکی پیشنهادینی ایره لی سورمه لری سئویندیریچیدیر.  طبیعی اولاراق بو پیشنهاد واختی ایله دوشونوله ره ک ایره لی سورولموشدور.  مستملکه چی رئزیم ایسه   بو فیکرده ن فارس بولگه لرینی سولاندیرماق اوچون یارارلانماغا چالیشیر.                                                                                

البته کی سوزو گئده ن  سو کاناللاری پروژه سی نین ایجراسی اوزون بیر واخت آپاراجاغیندان  اورومو گولونه آخان چایلارین قارشی سینا وورولان سدلرین قاپلاری نین آچیلماسی، یئرسیز سدلرین قالدیریلماسی گوروله جک عاجیل مسئله لردن بیری ساییلیر.میللتیمیزین بو حاقدا اولان ایسته کلرینی بوتون وارلیغیمیزلا حمایت ائدیریک .                           

   بو بیر حقیقتدیرکی، بو، یاخود  بونا  اوخشار پروژه لرین  ایجراسینی ایرقچی ، مونافیق و مستملکه چی رئژیمده ن گوزله مک اوزوموزو آلداتماق معناسینا گلیر. چونکی هئچ بیر مستملکه چی اوز مستملکه سینده اولان اولکه نی آبادلاندیریب ، ایقتیصادی گلیشمه سینه( اینکیشافینا) چالیشماز. عکسینه اوز مستعمره سینده اولان اولکه نی هر ساحه ده داغیتماغا ، مستملکه ده اولان میللتین دیل ، کولتور میللی عنعنه و معنوییاتینی پوزماغا  چالیشار. نئجه ده کی شاه و خوئینی رئژیملری آذربایچانیمیزدا کندلری خرابایا چئویرمه یه ، اینفیرا ایستوروکتورونو پوزماغا چالیشمیش و چالیشیرلار. ائله بونون نتیجه سینده ده  کندلرین اهالیلری شهرلره کوچمه یه ، یادا جیلای وطن ائدیب ، یادلار اولکه سینده یاشاماغا مجبور ائدیلمیشلر. آذربایجانیمیزین بویوک شهرلری ایسه دالی قالمیش بویوک کندلری خاطیرلادیر. آذربایجانیمیزین یئر آلتی و یئر اوستو قایناقلاری ، میللی و تاریخی ثروتلری هر ایکی رئژیم طرفینده ن پیلانلانمیش شکیلده یاغما ائدیلیب ، تالانیب، یوخ ائدیلمکده دیر.                                                                                       

بیر تک سوزله دئسک تئهرانین مستملکه چی رئژیمی ، ویلایت قبهی ندن توتوب ، ساده مامورونا قده ر آذربایجان و آذربایجانلینی گوره جک گوزو یوخدور. نئجه ده کی    اورومو گولو حاقدا مولالار مجلیسنده تیکرار بونا  شاهید اولدوق. اعتیراضلاردان سونرا میللتیمیزی یاسالاماق اوچون گویا آراز چاییندان اورومو گولونه  سو بوراخاجاقلارینی سویله دیلر. بو یالاندان باشقا بیر شئی دئییلدیر. ایران آدلانان یئرین  موقاویله لر اساسیندا بونا حاقی یوخدور. آراز سویوندان آنجاق اورتاق یارارلانماق مومکوندور. حتا بو مومکون اولسا بئله، بوغدان گوتورب ساقالا قویماق مثلینی خاطیرلادیر. چونکی موغاندا اکینچیک آراز سویو ایله مومکوندور. بو سو اولمادیقدا موغاندا اکینچیلیک مومکون دئییلدیر. بو ایرقچی دینسیزلر بو جفن گییاتلا واخت قازانماق ایسته ییرلر. تا اینکی آذربایجانی دوز چولونه چئویره ره ک هدفلرینه اولاشسینلار.                                                                                                                                   بونا گوره ده آذربایجان میللتی و اونون ایره لیجی سیاسی قووه لری  و بیزلر بو رئالیقلاری نظره آلاراق یولا چیخمالی ییق.بوتون گوجلریمیزی ایستقلالیتیمیز اوغروندا ایشه سالمالییق. ایستیقلالییتیمیزی الده ائتدیمیز تقدیرده،  دوشمنلریمیزین و فارس ایرقیچی مستملکه چیلری نین میللتیمیزه ایرث اولاراق بوراخدیقلاریٍ  بو فاجیعه لره سون قویوب ، دردلریمیزه چاره قیلمامیز موکون اولاجاقدیر.                                                                                                             

 یاشاسین آذربایجان !                                                                                                                     

وار اولسون مستقیل گونئی آذربایجان !                                                                                                    

محو اولسون ایرقچی ، فوندامنتالیست ، مستملکه چی تئهران رئژیمی !                                                             

 واحید مستقیل آذربایجان جبهه سی

24 سئپتامبر 2۰11 /2 مئهر 1390

اورومیه گولونون قورودولماسینا قارشی اعتیراضلار حاقدا بیلدیریش

 حورمتلی وطنداشلار

 سون گونلرده آذربایجانیمیزین اورومیه، تبریز  و باشقا شهرلرینده،  اورمیه گولونون قورودولماسینا قارشی اولان اعتیراضلارا تئهران رئزیمی نین  قدارجاسینا یاناشماسی ، بیر جوخ سویداشیمیزی توتوقلاماسی و 3 نفری اولدورمه سی  بو دیکتاتور، مستملکه چی ، و ایرقچی رئژیمین حقیقی اوزونو ، ایچتن لی یینی (ماهییتینی) بیر دفعه داها گوزلر اونونه سرگیله میشدیر. بو رئژیم 33 ایلدیر ایران آدلانان میللتلر  دوسداغیندا قبریستانلیق سکوتونو قورماغا ، حاقلی سه سلری بوغماغا و بشریتین اوز قاراسی اولان رئژیمی نین عومرونو اوزاتماغا چالیشیر.تئهران  رئژیمی نین آذربایحاندا اولان سون قولدورلوقلاری  یئنی بیر شئی دئییلدیر، میللتیمیز  بو قولدولوقلاردان چوخ گورموشدور ، هر آن تیکرارلاناجاغینیدا یاخشی بیلیر. خصوصیله بو رئژیمینده مصرف تاریخی سونا چاتمیشدیر. بونو رئژیم اوزوده بیلیر . عرب اولکه لرینده باشلانان رئژیم ده ییشمه لری تئزلیکله ایران آدلانان یئرین قاپیسینی دا چالاجاقدیر. بونا گوره رئژیم گئجه ـ گوندوز قورخو ایچینده دیر. حتا اوز کولگه سینده ن بئله قورخور. رئژیمین سون گونلرده آذربایجانیمیزدا گوستری یی هده قورخولار ،آدام اولدورمه  و توتوقلامالاری بو قورخونون گوسترگه سیدیر.                                  

آمما انیسانلیق تاریخینده میللتلرین آزادلیق سه سینی بوغماق هئچ بیر دیکتاتور رئژیمه مومکون  اولمامیشدیر. بو رئژمه ده  مومکون اولمیاجاقدیر.بوتون باسقی و هده ـ قورخولارا باخمییاراق آذربایجان میللتی نین آزادلیق و مستقیللی یه اولان اینامینی سارسیدا بیلمه میشدیر. میللتیمیزین چئشیدلی بویالاردا اولان  دوشمنلری نین انگلله مه لرینه باخمییاراق  موباریزه ده وام ائدیر. چوخ یاخیندا اوز هدفینه اولاشاجاقدیر.                                                                         

آذربایجانیمیزین چئوره محیطینی قوروماق هر بیر آذربایجانی نین وطیفه سیدیر. اورمییه گولونون قورودولماسی نین قاباغینی آلماقدا بو وظیفه نین بیر پارچاسیدیر بونو درک ائده ن هموطنلریمیزین باریشجیل اعتیراض لارینا قارشی مستملکه چی رئژیمین قارشی چیخماسی، ده ره ـ به ی لیک  ائتمه سی ، حتا سویداشلاریمیزی اولدورمه یه  قالخماسی ، اونلارین اوز مستملکه لرینده ساخلاماق ایسته دیکلری آذربایجان و آذربایجان میللتینه اولان نیفرت و دوشمنچی لیکلری نین آپ ـ آچیق نیشانه سیدیر. بونا گوره ده  میللتیمیز اونلاردان  اومودونو کسمیشدیر. و بو حقیقتی  درک ائتمشیرکی آنجاق اوز مقدراتینی اوز الینه آلیب ، اوز ائوینده اوز آغاسی  اولدوغو زامان  میللتین و اولکه نین دردلرینه چاره قیلا بیله جکدیر.  بو تک بیزیم میللت اوچون یوخ،  ایران آدلانان میللتلر دوسداغیندا یاشاماق زوروندا اولان  باشقا میللتلر اوچونده کئچه رلیدیر.    وطنیمیز آذربایجاندا  کئچیریله ن  سون گونلرده کی اعتیراضلارینی   الحواز عرب میللتی نین  یازیلی اولاراق حمایت ائتمه سی، سوزو گئده ن   بو واقعیتی گوسترمکله  یاناشی،  تقدیره لاییقدیر. اورتاق دوشمنه قارشی اورتاق موباریزه نین سمبولودور. بیز واحید مستقیل آذربایجان جبهه سی آدیندان بو هم سنگرلریمیزدن تشکور ائتمه نی اوزوموزه بیر وظیفه حساب ائدیریک .اورتاق دوشمنه غالیب گله جاغیمیزا اینانیریق .                               

واحید مسفقیل آذربایجان جبهه سی بو مقدس موباریزه بیر پارچاسی اولاراق بو اولوم ـ قالیم  ساواشی نین ظفره اولاشماسینا قدر میللتیمیزین  یانیندا اولوب ، بو یولدا ساواشان سویداشلاریمیزلا چین ـ چیینه  بیرلیکده  حرکت ائتمیش و  ائده جکدیر. بو یولدا اولدو واردیر. دوندو یوخدور.  بیز واحید مستقیل آذربایچان جبهه سی آدیندان بوتون توتوقلانلارین قئید ـ شرطسیز آزادلیغا بوراخیلمالارینی طلب ائدیریک                                                                                                                                  

یاشاسین آذربایجان میللتی نین آزادلیق و مستقیللیک ساواشی !                                                                      

یاشاسین آذربایجان!                                                                                              

محو اولسون ایرقچی ، فوندامنتالیست دیکتاتور تئهران رئژیمی !                                                                 

واحید مستقیل آذربایجان جبهه سی

8 شهریور 1390 ـ 30 . 08 .2011

 

 

باش ساغالیغی

حورمتلی وطنداشلار

آذربایجانیمیزین تانینمیش موباریز سیاسی ـ ایجتماعی خادیملرینده ن  اولان حورمتلی شاعیریمیز بالاش آذر اوغلی 24ـ 4ـ 2011 ده باکی شهرینده دونیاسینی ده ییشمیشدیر.  90  ایل اوز وطنی نین میللتی نین سئوگیسی ایله، اونون  سعادت و آزادلیغی اوغروندا امک قویان بو  قارداشیمیزین اولوم خبری میللتیمیز کیمی بیزلریده غصه لندیرمیشدیر. بیز واحید مسقیل آذرزبایجان جبهه سی آدیندان  بو ایتگینی  میللتیمیزه ، اونون عائله سینه و تانیشلارینا تسلیت دئییریک . اونون آدی آذربایجان موباریزه تاریخینده و ادبییاتیندا هر زامان یاشایاجاقدیر 

واحید مستقیل آذربایجان جبهه سی

تثهران قطعنامه سی

 

تیکرار تاریخده بئله بیر حقیقتین شاهیدی اولوروق کی، دونیانین ان دیکتاتور رئزیملری بئله الی بوش بیر میللتین ایراده سی قارشی سیندا دورا بیلمه ایمکانلاری یوخدور. آتالار دئمیشکن، ائل گوجو سئل گوچودور. هر شئیی یوووب اوزیله آپارار.                                                                                                                                              

تونئس ده باشلانان یاسمن آدلی سیاسی سونامی دالقاسی یالنیز بو اولکه داخیلینده قالماییب ، قوزئی آفریقا و اورتا شرق منطقه سینده اوز تاثیرینی گوسترمکده دیر. بوتون عرب اولکه لرینده اولان دیکتاتورلار خالقین طرفینده ن حاکمییتده ن اوزاقلاشدیریلیب  ودئموکراتیک  آنایاسایا ـ اساس قانونا  دایانان حقوق  دوولتی قورما یولوندا آدیملاماقدادیرلار. طبیعی اولاراق بو اولکه لر عرب اولدوقلاری حالدا اوزلرینه خاص چئشیدلی خصوصییتلره مالیکدیرلر. بو اولکه لرده اولان دیکتاتورلار دا فرقیلیدیرلر. تونئس و میصریده ن فرقیلی اولاراق قدافی 42 ایلدیر حاکمییتده دیر. اولکه نین مقدراتی تکجه اونون و یاخینلاری نین الینده دیر. حاکمییتی الینده توتماق اوچون لیبی ده داخیلی بیر ساواشی بئله جاییز گورور. و اوز میللتینی بومبالاماقداندا چه کینمیر. سورییه و یمن ده اعتیراضچیلار گوله له نیر.بحرئینه خاریجی قووه گتیریلیر. آمما منطقه نی توتان بو اینقیلاب دالقاسی ، سوویئت ییخیلماسیندان ، شرقی آوروپانین آزاد اولوب، آلمانین بیرلشمه سینده ن سونرا دونیامیزدا گئده ن ان قاباریق ایکینجی بیر تاریخی اولوشومدور(پروچئسدیر) .بو اولکه لرده یاشایان میللتلر داها اسکی شکیلده یاشاماق ایسته میرلر. قورولاجاق حاکمییتلر بو اولکه لرین خالقی نین ایستکلری ایستیقامتده حرکت ائتمه لیدیرلر. طبیعی اولاراق بو اولکه لرین قونشولوغوندا اولان، ایران آدلانان اولکه ده کی جینایتکار قوندامنتالیست (گئریجی) ایرقچی و مستملکه چی رئزیمده بو سیاسی سونامی دالقاسیندان اوزونو قیراقدا توتا بیلمییه جکدیر. بو رئژیمده او بیری دیکتاتور رئژیملر کیمی تاریخین کولویونه توکولمه یه محکومدور. باش وئره جک  بئله بیر واقعییتده ن حرکت ائده ره ک، واحید مستقیل آذربایجان جبهه سی نین عالی شوراسی ، داخیلی و خارجی مسئوللاری ایله بیرلیکده  آپریل ایی نین 2ـ4 لری آراسیندا تئهران شهرینده گیزلین بیر توپلانتی کئچیرمیشدیر. بئله بیر حادیپه نین ایران آدلانان یئرده باش وئرمه سینده آذربایجانلیلارین یئری و حرکت ایستیقامتلری گوتور ـ قوی ائدیلمیشدیر. بو توپلانی دا منطقه نین دورومو ، هر کئچه ن گون باش وئره جک اولقولارـ حادیثه لر ،تئهران رئژیمی نین و اولکه نین  دوشدویو آغیر سیاسی و ایقتیصادی دورومو  ده یه لندیریلمیشدیر. بو اولکه آغیر بیر دوغوم سانجیسی کئچیرمکده دیر. چوخ یاخیندا ایران آدلانان اولکه ده  چوخ بویوک حادیثه لرین باش وئره جه یی قاچینیلمازدیر. البته کی بئله بیر دورومدا بوتون آذربایجانین میللی حرکتی نین بوینونا آغیر تاریخی و میللی وظیفه لر دوشمکده دیر. تئهران رئزیمی نین ماهییتینده ن آسیلی اولاراق تونئس و میصریده ن فرقیلی اولاراق اوز جینایتکار حاکمییتی نی قوروماق اوچون هر چئشید جینایته ال آتاجاقدیر. بوتون بو حقیقتلر نظره آلیناراق  آذربایجانین میللی حرکتی و اونون ایچینده اولان قورولوش و تشکیلاتلاری گئج اولمادان  همن  گونئی آذربایجانیمیزین بوتون تاریخی اراضیلرینده کوکلو و گئنیش بیر شکیلده اورقانیزه و حاضیرلیقلی اولماغا چالیشمالیدیرلار. بوتون گوجلر و ایمکاناتلار بو یولدا سفربر ائدیلمه لیدیر. بو بیزلرین  بوآندا بوینوموزا دوشن ان آعیر تاریخی و میللی وظیفه دیر. بئله بیر موقعییتی الده ن وئرمک بیر میللت اولاراق  یوخ الوب محو اولماق دئمکدیر.بو توپلانتیدا بیر چوخ قرارلار الینمیشدیرکی آچیقلانماسی مومکون اولانلار بونلاردان عبارتدیر:                 

 1ـ میللی تشکیلاتلار جزئی فیکیر و سلیقه فرقیلیکمیکلرینی  بو آندا بیر یانا قویاراق بوتون آذربایجانیمیزین تاریخی اراضیلرینده  واحید شکیلده تشکیلاتلانمایا ، بوتون بویوک و کیچیک شهرلرده واختی گلدیکده شهر حاکمییتینی اله کئچیریب،  ایداره سینی دوشونمه لیدیرلر. طبیعی اولاراق هر شهرین یئرلی سی  بو ایستیراتئژیک  حرکت حاقدا  اوز گوروشلرینی میللی حرکته،  منسوب اولدوغو تشکیلاتا بیلدیره بیله ر.                                                                

2  ـ مستملکه چی ، ایرقچی فوندامنتالیست رئژیمین ماهییتی نظره آلیناراق رئژیمین چئشیدلی آدلاردا اولان قوولرینه قارشی  قویولاجاق وساییطین الده ائدیلمه سی حاقدا بوتون ایمکانلار سفربر ائدیلمه لیدیر.                                       

3ـ البته قارشی دان گه لن بو سیاسی سونامی دالقاسی سیراسیندا،  بوتون گوتوروله جک آددیملار ، آلیناجاق قرارلار  هامیسی آذربایجان و اونون مستقیل گله جه یی اوغروندا اولمالیدیر. ایران آدلانان یئرین داها مصرف تاریخی سونا چاتمیشدیر. ایران آدلانان یئرین مسئله سی  بیزیم مسئله میز دئییلدیر. بیزیم مسئله میز آذربایجان و اونون مستقیللی یی مسئله سیدیر.                                                                                                                                      

4 ـ بو سیاسی دالقا زامانی  رئژیمین گوجونو پارچالاماق ، رئژیمه یوخ ائدیجی ضربه نی وورماق اوچون،  آیران آدلانان میللتلر دوسداغیندا،  یاشاماق زوروندا اولان ، اوز آزادلیق و مستقیللیکلری  اوغروندا موباریزه آپاران میللتلرله یاخین امکداشلیق ائتمه لی ییک. بو رئژیمه ، پان ایرانیست و پان فارسیست لره قارشی آزادلیقلاری اوغروندا ساواشان میللتلرین امکداشلیق جبهه سی ده آدلاندیرماق اولار.                                                                                     

5ـ آذربایجان و میللتیمیز اوچون بئله بیر اولوم قالیم ساواشیندا ، طبیعی اولاراق هر بیر آذربایجانلی  بو یولدا الینده ن گله نی اسیرگه مه لیدیر. خصوصیله میللتیمیزین ایش آداملاری ، سرمایا صاحیبلری  و مالی ایمکانی اولانلار بو موباریزه نین هدفه اولاشماسیندا یاردیمجی اولمالیدیرلار. اونلار بونو بیلمه لیدیرلرکی، مستقیل آذربایجاندا اونلار اوزلریده اوز مستقیللیکلرینه قووشاجاقلار. تئهراندان آسیلی اولمییاجاقلار. آذربایجان ایقتیصادییاتی نین اساس پایالاریندان بیرینی تشکیل ائده جکلر.                                                                                                                                

6 ـ بوگونه قده ر ایران آدلانان یئرین سوزده  سیاسی تشکیلاتلارینا قاتیلان ایرقچی فارسلارا  خیدمت ائده ن ، سیاسی فعالیت گوسته ره ن سویداشلاریمیزا  اوزوموزو توتوب دئییریک کی ، گئج اولمادان آنا وطنیزین  قوجاغینا قاییدین.  اوز دوغما  وطنیزین گله جه یی حاقدا فعالییت گوسترین .  اوزگه لرین لامپاسینا یاغ اولماق یئرینه  اوز میللتینیزه  خیدمت ائتمکله میللت یانیندا باش آشاغی اولمایین.                                                                                                  

7ـ البته هر هانسی بیر سببله ایران آدلانان یئرین اودو و سیلاحلی قووه لرینه  قاتیلیب ، چالیشماغا مجبور اولان آذربایجانلیلاردا بو موباریزه یه  قاتیلیب ، اوز میللی اوردوموزدا چالیشا بیلیرلر.  بیر صورتده کی هر هانسی بیر جینایته ال آتمامیش ،آذربایجان میللتینه قارشی فعالییت ائتمه میش اولسونلار.                                                       عشق اولسون وطنین ـ میللتین آزادلیغی اوغروندا ساواشانلارا .

واحید مستقیل آذربایجان جبهه سی

تئهران4.4.2011

 

بایرامینیز موبارک اولسون

حورمتلی وطنداشلاریمیز

واحید مستقیل آذرباجان جبهه سی آدیندان ارگینوکون /یئنی گون (نوروز) بایرامی موناسیبتیله  سیزلره تبریک دئییب ، یئنی ایلین سیزلره  خوشلوق و مقدس وطنیمیز آذربایجان  اوچون  آزادلیق  و باغلی سیزلیق  ایلی اولماسینی دیله ییریک

واحید مستقیل آذربایجان جبهه سی

تبریک

حورمتلی تونئس میللتی 

اولکه نیزده دیکتاتورلوق رئژیمینه سون قویماغی باجاردیغینیز اوچون  سیز  غزیز تونئس میللتینه  بوتون آذربایجان میللتی آدیندان تبریک دئییریک . سیزین بو قهرمانجا حرکتینیز شوبهه سیزکی  دیکتاتورلوقدا یاشایان  باشقا عرب و غئیر عرب میللتلری اوچون یول گوستریجی اولاجاقدیر. اینقلابینیزین  اوغورلو نتیجه لر وئرمه سینی  دیله ییریک

یاشاسین قورخماز ، ایگیت تونئس میللتی !                                         واحید مستقیل آذربایجان جبهه سی    

تبریک

خورمتلی مصر میللتی                                                                                 ظفر بیرلیک و اینامدادیر

 اوتوز ایللیک دیکتاتورلوق رئژیمینه سون قویدوغونوزو و اولکه نیزده  دئموکراتیک بیر گله جه یه  ایمکان یاراتدیغینیز اوچون بوتون آذربایجان میللتی و واحید مستقیل آذربایجان جبهه سی آدیندان  سیزه تبریک دئییب ، بو یولدا سیز محترم مصر میللتینه  اوغورلار دیله ییب ، اینقیلابینیزین  باشاریلی اولماسینی  آرزولاییریق. دیکتاتور  موبارک رئژیمی نین  تئرور  وفشار لارینا باخمییاراق  گئجه ـ گوندوز  تحریر مئیدانینی سنگره چئویریب ،  بیرلیکده  اینام و ایمانلا دایانیب ، 3۰ ایللیک قورخویا قالیب  گه لیب  ، ظفره  اولاشمانیز  بوتون دیکتاتورلوق  آلتیندا یاشایان میللتلر اوچون  بیر عبرت درسی  اولا بیله ر. خصوصیله  بو  اسارت ، مستملکه  و غئیر ایسلامی ، ایرقچی(نژاد پرست) تهران رئزیمی  آلتیندا یاشایان  35 میلیونلوق  آذربایجان میللتی اوچونده کئچه رلیدیر

عین زاماندا بیز بو مقدس یولدا جانلارینی فدا ائده ن  قهرمان قیز و اوغولارینیز عائله لرینه صبیرلر دیله ییریک

یاشاسین ایگیت مصر میللتی

وار اولسون دئموکراسی ، آزادلیق ، اینسان حاقلاری ، اجتماعی عدالت     

          واحید مستقیل آذربایجان جبهه سی   11.2.2۰11  

حورمتلی سویداشلاریمیز

 دئسامبرین 31 اولان  آذربایجانلیلارین بیرلیک و همرای لیک گونونو سیزلره تبریک دئییب ،میللتیمزین و وطنیمیزین حقیقی و نهایی بیرلی یینه  اولاشماسینی آرزو ائدیب ، بو یولدا چالیشان ، امک قویان  تشکیلاتلارا  و شخصیلره باشاریلار دیله ییریک

  

ــ13 بولومده ن و 173 مادده دن عبارت اولان آنایاسا تاسلاغی نی " آنایاسا " صحیفه سینده اوخویا بیلیرسینیزـ

میللی موباریزه نین بو مرحله سی  بیزدن نه طلب ائدیر؟     

 

گونئی آذربایجان میللی آزادلیق و قورتولوش حرکاتی، آدیندان دا بللی اولدوغو کیمی،  آذربایجان میللتی نین عمومی و کوتله وی حرکتیدیر. آذربایجان توپلومونون چئشیدلی صینیف و طبقه لرینی تمثیل ائتمکده دیر. ایسته ر- ایسته مز طبیعی اولاراق چئشیدلی گوروش و سلیقه لره مالیکدیر. عین زاماندا بو حرکت قیسا بیر موباریزه ایچینده یارانمامیشدیر. عکسینه اوزون تاریخی اولوشومون( پروچئسین ) نتیجه سینده اورتایا چیخمیشدیر. گئت – گئده  داهادا کوتله ویلشمکده دیر. هرحالدا بو ایشده آیدین و ضیالیلاریمیزین بویوک امه یی اولموشدور. آیدینلاریمیز بو موباریزه نین حقانییتینی توپلومون چئشیدلی طبقه و صینیفلارینا، سیراوی وطنداشلارا آچیقلاماقلا اونلاری بو موباریزه یه جلب ائدیرلر. چونکی هر بیر اجتماعی ـ توپلومسال حرکتده او توپلومون آیدینلاری بو فعالییتلری ایله موباریزه نین موفقییتلی و باشاریلی اولماسینی قارانتی ائدیرلر. خصوصن ایرقچی ـ شوونیست فارس مستملکه سینده یاشایان میللتیمیزین بو اسارتدن قورتولوشو اوچون، سوزو گئده ن چالیشمالار، موباریزه نین آنا شرطلریندن بیری ساییلیر.موباریزه نین دئموکراتیک شیوه لرله آپاریلماسی بیر چوخلارینی موباریزه یه جلب ائتدییی کیمی، گله جک اوچونده بیر اولگو اولا بیله ر. آمما بیر شئییده  اونودماماق لازیمدیرکی ، یئر اوزونده  بوگونه قده ر هئچ بیر میللی قورتولوش ساواشی بارشجیل یوللارلا ظفره اولاشمامیشدیر. باریشجیل موباریزه ایله  یاناشی، سیلاحلی موباریزه ده  قورتولوش ساواشی نین باشقا بیر قولونو تشکیل ائتمکده دیر. چونکی شوونیست ایرقیچیلار اوپوشله وطنیمیز آذربایجانی ترک ائتمییه جکدیر.                                                                                                                                                                        

واحیدمستقیل آذربایجان جبهه سی بو حرکتین ایچینده یئر آلماقدا،و بو حرکتین ایلک آدیمجیلاریندان اولموشدور.

و هر زامان میللی قووه لری بیرلشمه یه ، اورتاق حرکت ائتمه یه چاغیرمیش ، بو یولدا  الیندن گله نی اسیرگه مه میشدیر.چونکی واحید مستقیل آذربایجان جبهه سی چئشیدلی گروپلارین اورتاق حرکت ائتمه سیندن یارانمیشدیر. واحید اوز عنعنه وی گوروشونه صادیق قالاراق، بوگونده بو یولدا یاردیمجی اولماغا چالیشیر. چونکی موباریزه نین بو حساس مرحله سینده هئچ بیر سیاسی گوروپ ، فیرقه  و تشکیلاتین تک باشینا میللی قورتولوش ساواشینی ظفره اولاشدیرماسی  غئیر مومکوندور. بو تاریخی و میللی مسئولییتی درک ائتمک لازیمدیر. هرکسدن گوزشت و فداکارلیق طلب ائدیلیر. آنجاق سلیقه و گوروش آیریلیقلارینی بو مرحله ده  بیر یانا قویوب، نهایی هدفیمیز اولان میللی قورتولوش اوچون بیرلیکده یولا چیخمالی ییق. یعنی بیر تشکیلات ایچینده میللتیمیزین قورتولوشو نامینه بیرلشمه لی ییک. طبیعی اولاراق ایستیقلالییت الده ائدیلدیکد ن سونرا هر کس اوز فیرقه سینی قوروب ، میللتیمیزه اوز فیرقه سی نین گوروشلرینی آچیقلایا بیله ر. اوزونه ، فیکرینه طرفدار تاپماغا چالیشار.آمما بو بوگونون ایشی دئییلدیر. بوگونون ایشی واحید دوشمنه ـ مستملکه چییه قارشی ساواشماقدیر. بئله بیر موباریزه ایسه  بیزدن بیرلیک طلب ائدیر. یوخاریدا قئید ائدیلدییی کیمی بودا گوجلو بیر تشکیلاتلانما ایله مومکوندور.                                                                                                            

واحید مستقیل آذربایجان جبهه سینه گوره  ایستیقلالچی لارین آراسیندا چئشیدلی سلیقه  فرقیلیکلری اولسادا، معین بیر جبهه ده ، معین هدفلر اوغروندا بیرلشه بیلیرلر. ایستیقلالچیلارین سیاسی هدف و آماجلاری بللی اولدوغونا گوره آپاریلان موباریزه تاکتیکلرینیده بیر سه سله دانیشمالیدیرلار. عین زاماندا ایستیقلالچیلار بو میللی قورتولوش حرکاتی نین آنا سوتونونو تشکیل ائدیرلر. بونا گوره ده  موباریزه نین  بو مرحله سینده  آنا مسئولییت ایستیقلالچیلارین بوینونا دوشمکده دیر. بو تاریخی مسئولییتی درک ائتدیکدن سونرا بوتون ایستیقلالچیلار میثال اوچون – گونئی آذربایجان ایستیقلال و آزادلیق جبهه سی نی = یارادا بیلیرلر.                  

طبیعی اولاراق آذربایجان توپلوموندا ایستیقلالچیلارین ائشیینده باشقا شکیلده دوشوننلرده واردیر.اونلاردا بو ایستعمارین قوربانیدیرلار. اونلارین بیر بولومو ایران آدلانان یئرده فئدرال دوولت قوروماسینی و بو چرچیوه ایچینده آذربایجانلیلارین حاقلاری نین  تامین ائدیله جه یینی دوشونورلر. بونون نه قده ر رئال ـ اولوب ـ اولماسینی  دارتیشمادان بیز اونلاریندا اوز جبهه لرینی قورمالارینی ایسته ییریک . میثال اوچون اونلاردا اوز جبهه لرینی – گونئی آذربایجان آزادلیق جبهه سی آدلاندیرا بیلیرلر. بیز موباریزه نین دوامیندا اونلارلادا یالنیز امکداشلیق ائده بیله ریک. بو امکداشلیق ،،گونئی آذربایجانین اوز مقدراتینی اوزونون تعیین ائتمه سی ،، چرچیوه سینده اولا بیله ر. بو او دئمکدیرکی ، اورتاق دوشمنه قارشی صفلریمیزی سیخلاشدیریب ، دوشمنه لازیمی ضربه نی ووروب ،میللتیمیزی دوشدویو بو اسارتدن قورتارماقدیر.                                                                                     

واحید مستقیل آذربایجان جبهه سی نین اوچونو تکلیفی ایران آدلانان میللتلر دوسداغیندا یاشایان باشقا میللتلرله ده چوخ یاخین امکداشلیقدیر. بو یالنیز بوگون اوچون یوخ ، ایستقلالییتیمیزی الده ائتدیکدن سونرادا  بو میللتلرین بیر ـ بیرینه دایاق دورماسی اوچون لازیمی بیر ایشدیر.اونلاردا بیز ساواشدیغیمیز دوشمنه قارسی ساواشیرلار. اونلارین ایستکلریده بیزیم ایستکلریمیزین تاییدیر. واحید مستقیل آذربایجان جبهه سی ایللردیر بو میللتلرین بعضی سی ایله چوخ  یاخین موناسیبتده اولوب ، امکداشلیق ائتمکده دیر. بو امکداشلیق ،دوشمنی بیر نئچه جبهه ده ساواشماغا مجبور ائتمک ، گوجونو پارچالاماق دئمکدیر. بو اوچونجو جبهه،، اسارتده اولان میللتلر جبهه سی،، آدلاندیریلا بیله ر. آنجاق بو اوچ جبهه نی  یاراتماقلا  میللی موباریزه نین مدتینی آزالدیب ،قیسا بیر چاغدا ایسته نیلن نتیجه نی الده ائتمک مومکون اولاجاقدیر.

 واحید مستقیل آذربایجان جبهه سی

10,9,2010

خورداد قیامی نین ایلدونومو                                                                               

 میللتیمیزین بیر خورداد قیامی تاریخی ضرورتدن دوغان بیرحرکت ایدی. بو قیام مشروطه، خیابانی، میللی حوکومت و نهایت شاهلیق اوصول ایداره سینه قارشی اولان قیاملارین دوامچیسیدیر. آذربایجان میللتی نین سیاسی ، مدنی حاقلارینی الده ائتمک ، باغلی سیزلیغینی قازانماق ، فارس شوونیست ایرقیچیلاری نین مستملکه سینه سون قویماق یولوندا ایگیتجه سینه گوتورولن آددیملاردان بیری ساییلیر. بو قیام جینایتکار فوندامنالیست(گثریجی) رئژیم طرفیندن باسدیریلسادا ، میللتیمیزین اینام و ایراده سینی سارسیدا بیلمه میشدیر. میللتیمیز قورتولوش موباریزه سینی چئشیدلی شکیللرده دوام ائتدیرمکده دیر. سون آیلاردا آیاق توپو(فوتبال) یاریش مئیدانلاری نین – تراکتور– شعاری ایله اعتیراض مئیدانلارینا چئویرمه سی میللتیمیزین توتدوغو یولا اینامینی گوستریر. رئژیم بو دفعه تراکتور سوزوندن بئله قورماغا باشلامیشدیر                                                         . 

واحید مستقیل آذربایجان جبهه سی بابک قالاسی مراسیملری نین انگلله ندیغی واخت ، آذربایجانیمیزین هر شهری بابک قالاسیدیر، شهرلریمیزبابک قالاسینا چئویرمه لی ییک دئمیشدی. بونو بیر خورداد قیامیندا میللتیمیز حیانا کئچیردی.میللتیمیزین دوشمنلرینه اوز گوجونو نوماییش ائتدیردی. حتا وطن و میللت یولوندا اولمک دنده  قورخمادیغینیگوستردی                                        .

مستملکه چی ،ایرقچی ، گئریجی فارس رئژیمی نین  بیر عیده  لات ـ لوتدن باشقا هئچ بیر دایاغی قالمامیشدیر. بو تئروریست سرکرده لری و مرکزی بئین الخالق ایجتماعیت طرفینده نده ترد ائدیلمیشدیر. هر دیکتاتور رئژیم کیمی قورخو ایچینده یاشاماقدادیر. حتا اوز کولگه سیندن بئله قورخور. بونا گوره ده هر گون هار اولماقدا جیلوونوقیرماقدادیر. فعال قیز و اوغوللاریمیزی توتوب،  دوسداقلارا سالماسی ، شیکجه ائدیب ، ساختاکارلیقلا اولدومه لری بو قورخونون گوسترگه لریدیر. آمما آذربایجانیمیزین ایگیتلری رئژیم دوسداقلارینی بئله موباریزه مئیدانینا چئویرمکده دیرلر                                                                     .

آذربایجان میللتی ، میللی قووه لرین چاغریسینا اویاراق ساختا ایران آدلانان یئرین پرئزیدئنت سئچگیلرینه قاتیلمامالاری تگجه رئژیمی یوخ ، اونلاری حاکمییته گتیره ن اربابلارینی، و سوزده ایران آدلانان یئرین موخالیفتینی بئله قورخویا سالمیشدیر. بو سوزده سئچگی  تیاتروسوندان سونرا یاشیل آدی ایله  جماعتی خیاوانلارا توکنده ده،  میللتیمیزین بو اویونلارا قاتیلماماسی،  میللتیمیزین آییقلیغینی و ذکاوتینی گوستریر. اونلار خمئینی کیمی بیر جلادی شاهین یئرینه گتیردیلری کیمی، بو دفعه ده یاشیل آدینا بو رئژیمین پایاسینی قویان ، اللری دیرسه یه  قده ر قانا بولاشمیش صادیق نوکرلرینی  دئموکراسی آدی ایله یئنه باشا چیخارماق ایسته ییردلر. چونکی بو اربابلار یالنیز و یالنیز اوز سیاسی ، ایقتیصادی و ایستیرتئژیک منافعلرینی دوشونورلر. بونا گورده اوز تبلیغات اورقانلارینی بونا حصر ائتمیشدیلر. حتا بی بی سی ، سی ائن ائن  24 ساعات پروگراملارینی بو دفعه ده، خمئینی نین کتیریلمه سینده اولدوغو کیمی، بو یئنی اویونون ایختیاریندا قویموشدولار.ایران آدلانان یئرده دئمکراسی  و اینسان حاقلاریندان دانشیردیلار . آمما بو اورقانلار ، آوروپالیلار و حتا اوزونو تورک دونیاسی نین باشچیسی بیله ن تورکییه ده کی گئریجی(  دینی فوندامنالیست)آغ پارتیسی (AKP) حاکمییتی بئله،  بیر خورداد قیامی حاقدا نه بیر جومله خبر وئریب و نه ده شکیل گوستردیلر     

میلیونلارلا آذربایجانلی نین قیامینی  و اوز اینسانی حاقلارینی ایسته مه سینی گورمک ایسته مه دیلر. بیر تک سوزله دئسک ، سوزده بو دئموکراسی و اینسان حاقلای نی مودافعه ائده ن دونیا،  میللتیمیزین میللی قیامی حاقدا قولاقلاری کار، گوزلری کور، دیللری لال اولدی . میللتیمیز ایسه بوندان تاریخی بیر درس آلدی. اودا یالنیز اوزونه  و اوز گوجو  و ایراده سینه اینانماق ایدی. چونکی آذربایجانلی نین آذربایجانیلدان سووای دوستو یوخدور                                                                    ! 

میللتیمیز بوگون بو گرچکدن – حقیقتدن حرکت ائده ره ک هر جهتلی تشکیلاتلانماغا چالیشیر. موباریزه نین هر نوعیندن – چئشیدیندن یارارلانماغی  واجیب و ضروری گورور. هئچ بیر شئیدن قورخمور، قورویا  تام غالیب گلمک ایسته ییر. چونکی قورخویا غالیب  گلمک ، هر چئشید موباریزه نین باشاریسی نین آچاریدیر.خورداد قیامی نین ایلدونومونده جان قویالاریمیزین ( شهیدلریمیزین ) قارشی سیندا باش اییب ، ال = اله وئریب،  دوشمن قارشی سیندا سارسیلماز بیر قالا کیمی،  سون قانیمیزا قده ر میلتیمیزین و وطنیمیز آذربایجانین آزادلیق و مستقیللی یی اوغروندا ساواشماغا ،ایرقچی فارس  مستملکه چیلری وطنیمیزده ن  قوماغا سوز وئریریک . بو اولوم = قالیم ساواشیدیر. ظفر بیزیم اولاجاقدیر. او زامان  میللتیمیز اوزونه لاییق قانونا آرخالانان دئموکراتیک ، لاییک  دوولتینی قوراجاقدیر                                                                                      .

مهو اولسون مستملکه چی تئروریست ، ایرقچی تئهران رئژیمی !                                                              

یاشاسین آذربایجنیمیزین شهرلرینی ، رئژیمین دوسداقلارینی موباریزه مئیدانینا چئویره ن ایگیت قیز و اوغوللاریمیز!          

یاشاسین بیر خورداد قیامی ندا  جانلارینی فدا ائده ن جان قویارلاریمیزین (شهیدلریمیزین) اولو خاطیره سی !                  

واحید مستقیل آذربایجان جبهه سی

30 اردیبهشت 1389

 

نووروز بایرامی موناسیبتیله میللتیمیزی تبریک ائدیریک

میللتیمیز اوز 75۰۰ ایللیک تاریخینده چئشیدلی بایرام و عنعنه لره صاحیب اولموشدور. بو بایرام وعنعنه لر میللتیمیزین مدنییت تاریخینده  تاریخی اولوشوم ، دوغا  و یاشاییشدان دوغان اولقولاری ایچه ره ن (تمثیل ائده ن) گونلردیر. بو بایرام وعنعنه لرین(آداب ،رسوم)بیر بولومو ایسلامییتین زورلا میللتیمیزه تحمیل ائدیلمه سینده ن سونرا یاساقلانمیش و زامانلا اونودولموشدر. بیر بولوموده کئچه ن 18۰  ایللیک اوروس و فارس آسیمیلاسییون ( اوز ایچینده اریتمه، روسلاشدیرما ـ فاسلاشدیرما) سییاستلری نتیجه سینده یوخ ائدیلمیشدیر. آنجاق بو بایراملارین ایچینده گونوموزه  قده ر  یاشایان ایکی بایرام اولموشدور.اود چارشانباسی و ارگئنوکون یاخود یئنی( یئنگی)گون ـ نووروزدور. بو بایراملار میللتیمیزین وارلیغی نین بیر پارچاسی کیمی قورونموشدور. تاسوفله یئر،هاوا، سو و اود چارشانبالاری مراسیملرینده ن ، ماهینی لاریندان و عنعنه لریندن یالنیز اود چارشانباسیندا اود یاندیرما و بئله لیکله اوغورسوزلوقلارا سون قویوب، حیاتا آیدینلیق گتیرمه  مراسیمی گونوموزه قده ر یاشایا بیلمیشدیر. حتا بو مراسیمین بللی قایدا قرارلاریدا اونودولماقدادیر. بو چارشانبالار باهار ـ نووروز بایرامینا حاضیرلیق گورمک ماهییتی داشیماقلادیرلار. گئنیش معنادا تمیزلیک، عداوت و کوسکونلویه سون قویماق ، میللتیمیزین، اینسانلاریمیزین آراسیندا صمیمییت و همرای لیک یاراتماق ، طبیعتین یئنیده ن  جانلانماسی ایله بیرلشدیره ره ک اوبرازلیقلا یئنی گون ـ نووروز آدلاندیرمیشدیر                              .

میللتیمیزین بو میللی بایرامینی باشقا میللتلرده منیمسه یه ره ک بایرام توتماقدادیرلار.حتا بو بایرام بشرییتین مدنی ایرثی کیمی یونسکونون لیسته سینه آلینمیشدیر                                              .

تاسوفله میللتیمیزین 35 میلیونو فارس ایرقچیلاری نین مستملکه سینده ، بیر میلیوندان چوخ سویداشیمیز سورگون ، دیده رگین وضعییتده ، یاخود میللتیمیزین آزادلیغی اوغروندا دوسداقلاردا  میللی بایرامیمیزی قئید ائتمک زوروندادیرلار. آمما آجی گونون عومرو آز اولار دئمیشلر. تاریخ بویو اولدوغو کیمی میللتیمیز اوز سارسیلماز ایراده سیله ، بیرلیکده ، چیین ـ چیینه بو چتینلیکلره غالیب گه لیب    ،اسارتی ، ایشغالی آرخادا قویوب آزادلیغی ،ارگئنوکونو اوز حیاتیندا تیکرار سرگیله یه جکدیر           .                                                                             

واحید مستقیل آذربایجان جبهه سی بوتوو میللتیمیزه ، سویداشلاریمیزا هارادا یاشامالاریندان  آسیلی اولمییاراق  ارگینوکون یاخود یئنی گون ـ نووروز بایرامینی تبریک دئییب ، یئنی ایلین  میللتیمیز اوچون رفاه ـ خوشلوق ، ساغالیق و اسارتده ن قورتولوش ایلی اولماسینی دیله ییریک                                                                                                                                      

واحید مستقیل آذربایجان جبهه سی

3،18 ،2۰1۰

 

باش ساغلیغی

گونئی آذربایجانیمیزین و میللتیمیزین حقوقلاری اوغروندا فعالییت گوسته رن چنگیز به ی بخت آور گنج یاشدا قاباقکی گون دونیاسینی آنیده ن ده ییشمیشدیر.و بوگون توپراغا وئریلمیشدیر. باشقا فعال سویداشلاریمیز کیمی اودا اوز چالیشمالاری ایله حرکتین سه سینی دونیایا چاتدیرانلاردان بیری ایدی . دوسداق و شیکنجه لرده اونو توتدوغو مقدس یولدان چئویره بیلمه میشدیر. اونون اولومو میللی حرکاتیمیز و میللتیمیز اوچون بویوک بیر ضایعه ساییلیر.

واحید مستقیل آذربایجان جبهه سی بو آغیر ضایعه نی ایلک اونجه بو عزیزین عائله سینه و قهرمان میللتیمیزه باش ساغلیغی دیله ییر.

شبهه سیز وطن یولوندا چیرپینان اوه رکلر دونیلارینی ده ییشسه لرده  میللتیمیزین  اورک و یادداشیندا هر زامان یاشایاجاقلار.

واحید مستقیل آذربایجان جبهه سی

تبریز 2009. 12. 28

آچیقلاما

 حورمتلی وطنداشلار،

ایران آدلانان  یئرده سوزده آپاریلان سئچگیلردن سونرا رئژیم قانادلاری(جیناحلاری) آراسیندا اولان چکیشمه لر ، کوچه یورویوشلری، اعتیراض میتینگ لری دوام ائتمکده دیر. طبیعی اولاراق بولگه ده و ایران آدلانان یئرده سییاسی، ایقتیصادی و ایستیراتئژیک منافع و چیخالاری اولان خاریجی قووه لرده بونو حمایت ائدیب، کوروکله مکده دیرلر. خاریجی اینفورماسییا مرکزلری هدفلی اولاراق بو حاقدا دواملی بیلگی و معلومات یایماقدادیرلار. خوشبخت لیکدن میللتیمیز سییاسی یئتگین لیک و اولقونلوغا مالیکدیر. بونا گوره ده حاقلی اولاراق اوزلرینی بو تئروریست ایرقچی رئژیمین قانادلاری آراسیندا گئده ن  مقام ومنافع داواسیندان کناردا توتورلار. چونکی آذربایجان میللتی نین داواسی تانینمیش بو جینایتکارلارین چیخار و مقام داواسیندان فرقیله نیر. بیزیم آذربایجان میللتی نین داواسی ایران آدلانان یئرده حاکمییت ده ییشمک، بو و یا باشقا بیر گوروبو حاکمییته گتیرمک داواسی دئییلدیر بو فارسلارین و اوزلرینی ایرانلی بیله نلرین مسئله سیدیر. آذربایجان میللتی نین داواسی یالنیز و یالنیزآذربایجان ،اوز میللی حاقلارینی الده ائتمک، گله جه یینی ـ طالعینی اوز الینه آلماق ، مستقیللی یینی برپا ائتمک داواسیدیر. یورویوش، میتنگ ائتمک ایسته ییرسه آنجاق بو ایستکلر اوغروندا اولوب و اولاجاقدیر                           .                                                                                      

سون آیلاردا  و خصوصیله سون گونلرده خاریجی آژئنت لیکلر و فارس ایقرچی شوونیستلری مقصدلی اولاراق آذربایجان شهرلری نین آدلارینی چه کیب،  یالان خبرلر یایماقلا ،میللتیمیزین دویغو و  ائحساساتلاریندان اوز یاشیل بازلیق اویونلاری مقصدیله یارالانماق ایسته ییرلر. بو شایعه و خبرلرین یالان اولدوغونو بیلدیرمکله یاناشی میللی قووه لریمیزی چوخ آییق اولماغا دعوت ائدیریک. سلیقه فرقلیکلرینی بیر یانا قویوب ، بیر یوموروق کیمی عمومی بیر تشکیلاتدا بیرلشمه لیدیرلر.اوز تاریخی وظیفه لرینی درک ائتمه لیدیرلر. اوزلرینی قارشیدان گله ن هر بیر چئشید اولقو ـ حادیثه لر اوچون حاضیرلامالی و هر بیر ساحه ده حاضیرلیقلی اولمالیدیرلار.    .                                            

واحید مستقیل آذربایجان جبهه سی ایرقچی فارس شونیستلری نین و بئین الخالق آژئنت لیکلرین قوندارما و ساختا خبرلرینی یالانلاییر و پیسله ییر. آذربایجان میللتی اوچون فارس شوونیزمی هانسی بویادا ـ رنگیده اولورسا اولسون ایرقچی و مستملکه چی ماهییت داشیماقدادیر.بوندان باشقا  آیری بیرهدفی یوخدور. سوزده یاشیل حرکتین باشیندا دوران شخصلر،  بو رئژیمین حاکمییته گتیریلمه سینده، قورونوب ساخلانیلماسیندا، یوز مینلرجه اینسانین اولدورولمه سینده  ایشتیراک ائده ن شخصیلردیرلر.دونیا تئروریزمینی یارادان و حمایت ائده نلردیرلر و هدفلریده ائله بوموجود سیستئمی قوروماقدیر. بیزیم میللتین یولو اونلارین و اونلارین امثالی نین ، و تئهرانین یولوندان آیری بیر یولدور. اوزلرینه آیری مرثیه خان تاپمالیدیرلار  .             واحید مستقیل آذربیجان جبهه سی

2۰۰9.12.28
  ـ21آذرین 64 نجو ایلدونوموـ

 

گونئی آذربایجاندا میللی حوکومتیمیزین  قورولوشوندان 64 ایل کئچیر. میللی حوکومت تئهران و خاریجی قووه لر طرفینده ن یوخ ائدیلسه ده ، میللی حوکومتیمیزین نائلییت لری میللتیمیزین یادداشتیندا یاشاماقدادیر. میللتیمیز تئهرانین ایرقچی ـ مستملکه چی  سییاستینه

هر چئشید باسقی باسقی و تئرورونا قارشی اوز حاقلی موباریزه سینده ن ال کوتورمه میشدیر. دونیادا اولان ده ییشیک لیکلر نتیجه سینده دونیا خاریتاسی نین   ده ییشمه سی، بیر چوخ  اسیر میللتلرین باغلی سیزلیقلارینی ـ مستقیلیکلرینی  الده ائتمه لری اسارتده

اولان گونئی آذربایجان میللتینه یئنی بیر گوج و اومید باغیشلامیشدیر. خصوصیله قوزئی آذربایجانیمیزین مستقیللیه قووشماسی

میللتیمیزین 180 ایللیک تیکرار بیرلشمه  ایسته یینیده فورموله ائتمه یه ایمکان یاراتمیشدیر. و بونودا عملده بویوک چیلله آیی نین10

 دا(دئی  آیی ـ 31 دئسامبر 1989 )بوتون آرازین ساحیل بویو  نوماییش ائتدیرمیشدیر.  یادلار طرفیندن تیکیله ن سرحد دیره کلرینی یاندیریب، تیکانلی مفتیللری داغیتمیشدیر.آمما میللتیمیزین  تیکرار  واقعی بیرلیک و بوتوولویونه اولاشماسی آنجاق  گونئی ده میللی قورتولوش و آزادلیق حرکاتیمیزین ظفره اولاشماسی ایله مومکون اولاجاقدیر.

یئری گلمیشکن بونودا خاطیرلاتماق یئرینده اولارکی، 1324 ـ نجو ایلین سونوندا میللی حوکومت ین حاضیرلادیغی ایستیقلالییت

بیاننامه سی نین اعلانی مومکون اولماسادا، بو ایستقلالییت آرزو و ایسته یی میللتیمیزین اوره یینده یاشامیشدیر. و بو ایستقلالییتی الده

ائتمک نهایی هدفیدیر. البته بوگون الده ائده جه یی ایستیقلالییت 64 ایل بوندان قاباقکی ایستیقلالییت دن فرقیله نیر. بوگونکو ایستیقلالییت ایران آدلانان یئرین سرحدلری خاریجینده،  چاغداش اوصوللارا دایانان سئکولئرـ لاییک (دین نین سیاستده ن

اوزاق اولماسی) ، قانونا آرخالانان پالئنتاریزم اساسیندا  دئموکراتیک دوولت اساسلاری  چرچیوه سینده اولاجاقدیر. بو ایستک و هدفلر ایستیقامتینده آذربایجان میللی قورتولوش، آزادلیق و مستقیللیک حرکاتی  سوردورولور. ظفره اولاشاجاغیدا قاچینیلمازدیر. چونکی  چاغیمیز میللی قورتولوش ، آزادلیق و مستقیللیک حرکاتی چاغیدیر.

.!یاشاسین 21 آذرین اولو خاطیره سی

    !. وار اولسون 31 دئسامبری (اون چیلله نی)  یارادان آرزو و ایستکلر

!.یاشاسین میللی آزادلیق و قورتولوش حرکاتیمیز

 

آذربایجاندا آزلیقلار مسئله سی

 گئچه ن آی ایچینده واحید مستقیل آذربایجان جبهه سی نین قزوین ،ساوا، اراک،بیجار، همدان و اورومییه ایالتلری نین اوزه ک(شعبه) منسوبلارینا عین مضموندا اولان سورغولار(سواللار) وئریلمیشدیر. بو سورغولارین عین مضموندا عین زاماندا اولماسی دوشوندوروجودور. دوشمنین ایختیلاف سالما ،گوجلری  پارچالاما سیاستینه یول آچاجاق سورغولار اولابیله ر. حاقلی اولاراق بو عضوولریمیز  واحیدین عالی شوراسینا موراجیعت ائدیب ، واحیدین رسمی گوروشونو بو سواللار حاقدا ایسته میشلر. بیز عالی شورا آدینا بو سورغوچولارین حقیقتن آذربایجانچی و آذربایجانین طالعینی دوشونن شخصلر اولدوقلارینی اومید ائتمه کله یاناشی، بو سورغولارا آچیقلیق گتیرمک ایسته ییریک . ایلک باشدا بیر آنا نقطه یه ایشارت ائتمک زورونداییق  .                                 

واحید مستقیل آذربایجان جبهه سی ایسته ر مرامنامه سینده ( پروگرامیندا) ایسته رسه ده حاضیرلادیغی آنایاسا( اساس قانون) تاسلاغیندا(لایحه سینده) و اورقانی اولان جارچی غزئتینده کی یازیلاریندا 25 ایلدن به ر ی آذربایجاندا آزاد، دئموکراتیک ، دونیوی( سئکولئر) و قانونا آرخالانان دئموکراتیک دوولت قورما یولوندا چالیشیدیغینی قئید ائدیر.بو او دئمکدیرکی، ایران آدلانان یئرده و اونون قونشولاریندا اولان ایداره سیتئملری نین عکسینه ، آوروپا و آمئریکادا اولان دئموکراتیک ایداره سیستئمنی و قانون اوستونلویونو منیمسه ییر. هر ایسته یی و هر ایشی زوراکیلیقلا یوخ ،یاسالار  ـ قانونلار  یولو ایله چوزولمه سینی ـ حلینی ایسته ییر.واحید مستقیل آذربایجان جبهه سی نین ایره لی سوردویو آنا یاسا تاسلاغی بو اساسلاری برپا ائتمک مقصدی ایله یازیلمیدیر. طبیعی اولاراق بو تاسلاق خقوقچو عالیملریمیز طرفیندن تدقیق ائدیلیب ، اینجه له نیب و تکمیلشدیردیکدن سونرا ، میللت طرفیندن آزاد دئموکراتیک شکیلده سئچیلمیش آذربایجان ائل اوجاغیندا( میللت مجلیسینده) و خانلیقلار شوراسی نین(سنا)  تاییدینی قازاندیقدان سونرا کئچه رلیلیک قازاناجاقدیر. بو او دئمک دیرکی، مستقیل گونئی آذربایجاندا گوتوروله جک هر بیر آدیم قانونلار ـ یاسالار اساسیندا اولاجاقدیر. بیر فردین یاخود سیاسی و غئیر سیاسی بیر فرقه نین ـ گوروهون ایسته ییله اولمییاجاقدیر. بئله لیکله سیراوی وطنداشدان توتوب ، جیمهور رییسینه قده ر هر کس قانون قارشی سیندا برابر حقوقلو اولوب ، حرکتلریده قانونلار چرچیوه سینده ده یه لندیریله جکدیر                                                                    .                                                                                                            

بو اساس نوقطه نی بیلدیکده،  سورغولارین جوابینی وئرمک قولایدیر. آذربایجانیمیزین ایچینده اولان ، یاخود یادلارین ـ دوشمنلرین طرفینده ن یارادیلان چتین لیکلر، یاسالار چرچیوه سینده چوزمه یه ـ حل ائتمه یه ، قایداسینا قویوماغا چالیشیلاجاقدیر. بئله لیکله وئریله ن سورغولارین جوابیدا بللی دیر. آذربایجاندا ، آذربایجانین تاریخی اراضیلری داخیلینده یاشایان یئرلی هر بیر اینسان، دیلینده ن ، دینینده ن، ایرقیندان، مذهبینده ن ، دونیا گوروشونده ن آسیلی اولمییاراق آذربایجانلیدیر ، آذربایجان وطنداشیدیر. آنایاسا و قانونلار قارشی سیندا هامان حاق و وظیفه لره مالیکدیلر                   .                                                                                                  

 واحیدین مرامنامه سینده آذربایجانچیلیق اساس یئر توتور ، بوآذربایجانچیلیق عین زاماندا تورکچولوک مفهومونو ایچینده داشیر. آمما ایرقچیلیق معناسینا گلمیر.بیز ایرقچی فارس شوونیستلری نین عکسینه آذربایجان اراضی سینده تاریخ بویو یاشایان آزلیقلاری اوز باجی ـ قارداشلاریمیز ساییریق. حقلرینه ده حورمتله یاناشیریق. بو واحید مستقیل آذربایجان جبهه سی نین مرامنامه سینده و آنا یاسادا اوز عکسینی تاپمیشدیر. بو آزلیقلار مسئله سی آنا یاسا  چرچیوه سینده  ایالتلر(خانلیقلار) داخیلینده حل ائدیله جکدیر                                                                           .                                                       

 طبیعی اولاراق وطنیمیز آذربایجانا حاکیم که سیلن مستملکه چی ، تئروریست، فارس ایرقچیلاری 80 ایلدن به ری اوز شوونیست ایرقچی ـ اوز ایچینده اریتمه سیاستلرینی ایجرا ائتمک مقصدی ایله آذربایجانین آدی کئچه ن  اراضیلرینه فارسلاری یئرلشدیرمکله بو ایالتلری فارسلاشدیرماغا چالیشیب و چالیشیرلار ، یاخود باشقا میللتلری آذربایجان اراضیلرینده یئرلشدیرمکله بو ایالتلرین حقیقی وارلیغینی (ایستاتوسونو) ده ییشمه یه جهد ائدیرلر. و نهایت واختی گلدیکده میللتلری اوز حقیقی ساواشلاریندان آزدیرماق اوچون بو میللتلری بیر ـ بیری نین جانینا سالماق هدفی گودورلر. بو مسئله یه عضولریمیز ـ طرفدارلاریمیز و میللی حرکت بوتوولوکده دیقت ائدیب ، آییق و ساییق اولمالیدیر. قونشولاریمیزدا گئده ن یئنی اولوشوملار(پروچئسلر) دالقاسی بیزه ده  گله بیله ر . مستملکه چی رئژیمین بو سیلاحدان بیزه قارشی یارارلانما ائحتمالی واردیر    .                                                

تیکرار بونو دیله گتیرمک ایسته ردیک کی ، بیز تاریخ بویو هئچ بیر میللتی یوخ ائتمه یه ، اونون کولتور و مدنییتینده  ازمه یه چالیشمامیشیق. عکسینه بو ساحه ده اونلارا یاردیمجی دا اولموشوق. افغانیستاندان گله ن پشتو ایرقینا منسوب فارسلارین  ایران آدلانان یئرده  الده ائتدیکلری مدنیتلرینی، حتا دیللری نین گلیشمه سینی  آذربایجانلیلارا، عمومیتله  تورکلره بورجلودورلار. بیز بو تاریخی آغالیغیمیزی، بویوکلویوموزو  مستقیل اولاجاق وطنیمیزده تیکرار سوردورمک ایسته ییریک . قئید ائدیلدیی کیمی بوتوو آذربایجانین تاریخی اراضیلری داخیلینده ، بو بوتوولویه ضره ر وورمایاجاق شکیلده قانون و یاسالار چرچیوه سینده حلینه چالیشیلاجاقدیر. آمما بونودا بیلیریک کی ، مستملکه چی دوشمن بوش اوتورمایاجاقدیر.دوشمنین چیرکین ، عئیر اینسانی و غئیر مدنی حرکتلرینی نظره آلاراق، هر جهتدن اوزوموزو ـ وطنیمیز آذربایجانی قوروماق(مودافعه ائتمک) اوچون حاضیرلیقلی اولمالی ییق.آتالاریمیزین سوزو ایله دئسک ، کیشی نین بوغو ، سیلاحی و آتی اولمالیدیر. بو قادینلاریمیز اوچونده کئچه رلیدیر      .                                                                                                                      

تاسوفله بونودا قئید ائتمک یئرینده اولارکی ، کئچه ن بو 8۰ ایلده آذربایجان اراضی سینه گوچن و کوچورولن باشقا میللتلر تئهراندا اوتوران مستملکه چی شووونیست ایرقچی شاه و خمینی رئژیملری نین قوربانلاری ساییلیرلار. اونلار بو ایکی رئژیمین مستملکه چی واوز ایچینده اریتمه ( آسیمیلاسییون) سیاستلری نین اویونجاغینا چئوریلمیشلر                                    .                                                                                                                               

 واحید مستقیل آذربایجان جبهه سی نین عالی شوراسی یوخاریدا قئید ائدیلدییی کیمی یئرلی  آزلیقلارین مسئله سینی ، مستقیل، دئموکراتیک گوئنی آذربایجاندا آوروپا اولکه لرینده اولدوغو کیمی آذربایجان آنا یاساسی ، یاسالارـ قانونلار چرچیوه سینده، آذربایجانین اراضیلری داخیلنده، مدنی شکیلده همیشه لیک حل ائتمک ایسته ییر                                               .                                                                                                                                                  واحیدمستقیل آذربایجان جبهه سی نین  عالی شوراسی             

 

 

ایران آدلانان یئرده سیاسی چیخمازلیق

دیکتاتور ایران ایسلام (!) جمهوریسی و اونون موخالیفتی سیاسی بیر چیخمازلیقلا قارشی ـ قارشیادیر. یورقونلاشمیش رئژیم هر بیر دیکتاتور رئژیم کیمی،  بو سیاسی چیخمازلیقدان قورتولماق، اوز قیزاردیجی حیاتینی سوردورمک  اوچون اوزونو کولا کوسا وورماقدادیر.  دوسداغا سالماقدان، ایشکنجه ائدیب ـ اولدورمکدن باشقا بیر چاره یولو گورمور.                                                                                                                           

سوزده اونون موخالفیلری داغینیق،ایستیثنایی حالاردا یارمچیلیق تشکیلاتلانمیشدیر. وئردیکلری شعارلاری ایسه شاها قارشی اوتوزموش قیامدا وئریله ن شعار و ایستکلرله قارشیلاشدیرلدیقدا( موقاییسه ده) ایره لیجی یوخ ،دالی قالمیش شعار و ایستکلردیر                                                   .                                                                                                    

بیر توپلومدا ایقتیصادی، سیاسی و توپلومسال( ایجتماعی)تشکوللشمه مه نین تاریخی سببلری واردیر. کی بو یازی نین چرچیوه سی ائشی یینده دیر. یالنیز آزادلیق حرکاتیندا مطرح اولان شئی، ایران توپلوموندا کوتله لرین تشکولو اوچون آیدینلارـ ضیالیلار توپلومون حقیقی پروبلملرینی گوروب، اینجه له مه یه قادیر اولمالاریدیرلار.تاسوفله  اونلار  بوندان عاجیزدیرلر. طبیعی اولاراق ایسته ر شاه و ایسته رسه ده خمئینی رئژیمی دوورونده اولسون دیکتاتور و ایرقچی دوشونجه طرزی، آیدینلارین دوزگون توپلومسال آنالیزینه مانع اولوب ، توپلومو تک طرفلی آنالیز ائتمه یه یونه تمیشدیر. طبیعی اولاراق بئله بیر تدقیق دوزگون نتیجه یه گتیریبب چیخارمییاجاقدیر.چونکو ایران آدلانان یئرده کی توپلوم هوموگئن«ائشیتجیل ـ موته جانیس» بیر توپلوم دئییلدیر. اورادا یاشایان چئشیدلی میللتلر اوزلرینه خاص عنعنه لره ، توپلومسال خصوصیتلره ، یاپییا ، اوزلرینه خاص موباریزه شیوه لرینه مالیکدیرلر.  ایران آدلانان یئرین بو توپلومسال رئاکالیقلارینی گورمه ین ، گورمه مزلیکدن گه لن آیدین و ضیالیلار توپلومو آرزو ائدیلن  یونه ( ایستیقامته ) گوتوره بیلمه زلر، چونکی کوتله لرین ایچینده اوزلری اوچون کوکلو بیر دایاق تاپمالاری ایمکانسیزدیر.ائله بو رئالیقدان اوزاق آیدینلارین حتا فداکارجاسینا چالیشمالاری نین آردی ـ آردینجا شیکست و اوتوزمالرینی کئچه ن بو سه کسان ایلده گورمک مومکوندور. آیدینلارین بو شکیلده گیجه لمه سینه و دوزگون اینجه له مه سینه مانع اولان باشقا بیر سبب ایسه خاریجی قووه لرین اوزون وعده لی اوقانیزه ائدیلمیش شکیلده موداخیله سیدیر. نهایت بیر عده نین پارایا، عنوان و مقاما ساتیلماسی نتیجه سینده ایران آدلانان یئرده دیکتاتور و قددار رئژیملرین حاکمییتینه گلمه لرینه سبب اولموشدور.بو یازیدا آنا موضوعلاردان بیریده آیران آدلانان یئرده یاشاماق زوروندا اولان میللتلرین آیدینلاری نین بوتون فداکارلیقلارینا باخمییاراق حتا آشامالی هدفلرینه بئله اولاشا بیلمه مه لری نین سببلریدیر .                                                                   

موباریزه لرین چئشیدلی مرحله لرینده بو باشاریسیزلیغین آنا سببلری نه اولا بیله ر ؟ آیدینلاردا اولان بو فیکیر داغیناقلیغی نین کوکو هارادادیر؟ یازانین دوشونجه سینه گوره بو فیکیر داغیناقلیغی نین کوکو اینسانین تربیت تاپدیغی عائله  محیطی ایله یاناشی، چئشیدلی عنعنه وتوپلومسال قایدالارا باغلی  یاشادیغی توپلوم و جغرافیایی اورتاما( محیطه) باغلیدیر.چونکی بیلیجیلرین ( عالیملرین) آراشدیرمالارینا گوره اینسانلارین چئشیدلی موضوعلارا، توپلومسال و سیاسی مسئله لره قارشی رئاکسییاسی عمومی لیکده یاشادیغی توپلوم و خصوصیله عائله محیطی نین قویدوغو تاثیرلردن آسیلیدیر.بیز بو رئاکسییالارین( عکس العمل) مثبت یاخود منفی اولدوغو حاقدا دارتیشمادان بونو دئیه بیله ریک کی، هر میللتین آیدینی یوخاریدا قئید ائدیله ن  تاثیرلرین نتیجه سینده آنجاق اوز توپلومونون توپلومسال و ایقتیصادی مسئله لرینی گوتور ـ قوی ائدیب، گوروشونو ایره لی سوره ر. بونا گوره ده  توپلومون سیاسی و توپلومسال کوکلرینی بیلمه ین  یاد بیریسی نین، اوخوماقلا، ائشیتمکله  یاخود قیسا بیر مدت او توپلومدا یاشاماقلا  سوزو گئده ن توپلومون مسئله لری حاقدا دوزگون آنالیز وئرمه سی ایمکانسیزدیر. ائله بو یازی نین آنا مقصدی ده بو اینجه لمه دن بیر نتیجه چیخارماق بو توپلومسال موشکولو چوزمکدیر.اوتوزمالارین کوکونو آختارماقدیر                    .                                                                                           

عمومیلیکده ایران آدلانان یئرده  باجاریقلی آیدین و فداکار موباریزلری نین اولماسینا باخمییاراق هنوزکی ، هنوزدور  بو سیاسی چیخمازلیقدان(بن بست) چیخماق اوچون سیاسی چوزوم یولو تاپا بیلمه میشلر. بعضی آیدینلار بللی چوزوم یوللاری  اورتایا قویسالاردا، اونلار اونون ایچتن لی یینه(ماهییتینه)، دوزگون اولوب ـ اولماماسینا اهمییت وئرمیرلر. چونکی بو چوزوم یولو اونلارین طرفیندن یازیلیب ، ایره لی سورولمه میشدیر. ائله بو ایران آدلانان یئرین طالع سیزلی ییدیر. بو مسئله بوتون ایران آدلانان یئرده یاشاماق زوروندا اولان عرب، تورکمن، فارس ، کورد ، یلوچ و آذربایجانلی اوچونده کئچه رلیدیر.چونکی اونلارین هامیسی قاریشیق فیکیر(ایلتقاتی فیکیر) شکیلده اوز اینجه لمه لرینی(تحلیل لرینی) گوروشلرینی بوگونکو ایران توپلومو اوچون آچیقلاماغا چالیشیرلار. بیر صورتده کی، بو میللتلرین آیدینلاری نین هر تک ـ تکی اوزونون عایید اولدوغو توپلوما منسوب اولوب، نئچه یوز ایللر بویو یاشادیقلاری توپلومون عادت و عنعنه لری ایله یوغورلاشمیش، او توپلومون ایچینده یئتیشمیش عائله لرین ایچینده دوغوب ، گلیشیب، بویا چاتمیشلار. اونلارین وجودونون آرقاچلاری اوز میللتی نین دیل ، دین ، ایرقی عنعنه ، توپلومسال قایدا ـ قرارلاری باغلیدیر .بوتون بونلار اونون اوستونده تاثیر قویاراق کیملی یینین گلیشمه سینه گتیریب چیخارتمیشدیر. طبیعی اولاراق بونلار یالنیز اون گونده لیک حیاتیندا دئییل ، اونون دوشونجه طرزینده ،مسئله لره یاناشماسیندا، توپلومسال و سیاسی مسئله لری اینجه له ییب ، نتیجه آلماسیندادا تاثیر قویماقدادیر. باشقا سوزله دئسک بلوچ میللتینه منسوب اولوب، او میللتین ایچینده دوغوب ، یاشاییب بوی آتمیش بیر آیدین نین توپلومسال و سیاسی مسئله لر یاناشما طرزی و اینجه له ییب ، نتیجه چیخارمارسی ،  کورد ، عرب وآذربایجانلی آیدین نین کیندان  فرقیلیدیر. بونا گوره ده اونون و یا هر هانسی بیر میللتیتن ایران توپلومو حاقدا  وئره جه یی اینجه لمه(تحلیل) ایران و  اوز توپلومو اوچون واقعییتلری داشیمایان بیر یاناشما و اینجه لمه اولاجاقدیر                                                 .                                                                                                                                   

ایران آدلانان یئرده  بیری باشقاسیندان اوستون اولمایان چئشیدلی میللتلر یاشاماقدادیر. یوخاریدا قئید ائدیلدییی کیمی هر بیری نین اوزونه خاص دیل ، عنعنه ، فرقیلی توپلومسال سیاسی تاریخه مالیکدیر. بو توپلومسال، ایقتیصادی، سیاسی و کولتوره ل فرقیلیکلر فرقلی آنالیزلره ، چئشیدلی نتیجه لره گتیریب چیخاردیر.بودا  ایران آدلانان یئرده یاشایان بوتون میللتلر اوچون کئچه رلی ساییلا بیلمیر. حتا اگر بیر فارس آیدینی ـ ضیالیسی ایراندا یاشایان میللتلرین کئچمیش دیکتاتور رئژیمین و ایندیکی فوندامنتالیست ـ تئروریست دیکتاتور رئژیمدن قورتولماق اوچون اوز آچیسیندان بیر چوزوم یولو ایره لی سورورسه ، بو آنجاق بو فارس میللتی اوچون کئچه رلی اولا بیله ر. چونکی بیر فارسین ایسته یی دیکتاتور فوندامنتالیست ایسلام رئژیمیندن قورتولماقدیر. بیر صورتده کی، بو آذربایجان تورکو اوچون پروبلملردن بیری ساییلیر. وتک چوزوم یولو دئییلدیر. آذربایجانلی نین ایستک و آرزولاری و چوزوم یولولاری تام  بام باشقادیر، بیر فارسدان فرقیله نیر                                                   .                                                                      

بونا گوره ده بو یازی دارتیشمالار اوچون بیر اساس اولا بیله ر. ایران آدلانان اولکه ده کی میللتلرین رئال اولاراق یالنیز اوزمیللتلری اوچون واقعی چوزوم یوللاری نین آرامالارینا یاردیمجی اولا بیله ر. طبیعی اولاراق بئله بیر چوزوم یوللاری نین گوستریلمه سینده ایران دئییله ن اولکه نین ایندیکی حدودلاری نین ساخلانیلماسی اساس الینمادیغینا گوره،   اوزلرینی حتا آیدین حئساب ائده ن فارس ضیالیلاری نین موخالیفتی ایله یاناشی آسیمیله اولموشلاریندا اعتیراضی ایله قارشیلاشیلاجاقدیر. بونا باخمییاراق ایران آدلانان یئرده کی میللتلرین بو سیاسی و توپلومسال چیخمازلیقدان(بن بست) چیخماق اوچون یالنیز و یالنیز بو میللتلرین دین ، دیل، و عنعنه لرینی نظره آلاراق رئالیقلاردان دوغان چوزوم یوللاری نین اورتایا قویولماسی شرطدیر. الحواز میللتی نین توپلومسال و سیاسی مسئله لری نین چوزومو(حلی) اوچون بیر الحوازلی نین گوستره جه یی یول بیر آذربایجانین بو میللت اوچون گوستره جه یی هر هانسی بیر حل یولوندان داها دوزگون دور. بو رئالیغی ایران آدلانان اولکه ده یاشاماق زوروندا قالان میللتلر درک ائتمه یه باشلامیشلار.بونو ایندیلیکده حاکمییتی  الینده توتان رئژیمده قبول ائتمک زوروندادیر. تئروریست رئژیمین قوروجو آشیقلاریندان اولانلارین حاکمییت اوغروندا خیاوانلارا توکولدوکلری بیر آندا چئشیدلی میللتلره منسوب اولانلارین  بو فورصتدن یارارلانیب، بو ایکی جیناحین شعارلاری خاریجینده اوز میللی شعارلارینی وئرمه یه و ایستکلرینی دیله گتیرمه یه باشلامالاری بو میللتلرین واقعییتلرده ن یولا چیخدیغینی گوستریر. قئید ائدیلدییی کیمی الحواز عربی نین ایسته یی فارسین ایسته یینده ن فرقیله نیر. او اوز سیاسی ایستیقلالینی، ایقتیصادی و میللی باغلی سیزلیغینی طلب ائدیر. اوزو اوز طالعینی اوز الینه آلماق ایسته ییر. بونا گوره ده تورکمن نین، کوردون، بلوچون ، عرب و آذربایجانلی نین ایسته کلری  ایله  فارسلا رین ایستکلری آراسیندا اورتاق بیرنقطه یوخدور.حتا دیکتاتور مستملگه چی رئژیمله اولان موخلیفتلریده بیرـ بیریندن فرقیله نیر. بو سببده ن بو میللتلرین تهران یورویوشلرینده فعال ایشتیراک ائتمه لری گوزله نیلمه مه لیدیرلر.میثٍال اوچون تاریخ بویو آذربایجانلی ایران آدلانان یئری قوروموش ، آبادلامیش ، چاغداشلاشدیرماغا چالیشمیش، کودتا ایله فارسلار حاکمییته گتیریلسه لرده آذربایجانلی بو اولکه نین دئموکراتلاشدیریلماسی حاقدا یئنه الیندن گله نی اسیرگه مه میش، کئچن بو 80 ایلده هر زامان میللی قیاملارین باشچیسی اولموشدور . بو یولدا ان تمیز ان صادیق اوغول و قیزلارینی قوربان وئرمیشدیر. حتا سون ایران عراق ساواشیندا یاریم میلیون اولو وئرمیش بیر او قده ر اینسان ساقات دوشموشدور. سونوندا هر زامان اولدوغو کیمی اوتوزان آذربایجانلی اولموشدور. نئچه مین ایل حاکمییته اولدوغو دووره ده  بیر قبیله دیلی اولان فارسجانی جانلاندیریب، بیر چاغداش بیر دیل اولاراق اورتایا چیخماسینا ایمکان یاراتمیشدیر. کیمسه نین دیلینی یاساقلامامیشدیر. آمما  یادلارین کودتاسی ایله حاکمیته گتیریله ن بو آغالار، بوتون دیلری قدغن ائدیب ، باشقالارینی اونون دیلینی اویرنمه یه مجبور ائتمیشدیر. آذربایجانلی نین بو توپراغا بو آغالارا ائتدیکلری خیدمتلرین یئرینه اونوندا دیلی 21 ـ نجی یوز ایلده یاساق ائدیلمیش وطنی بیر خرابایا چئوریلمیش، وار ـ یوخو تالان ائدیلیب و تالان ائدیلمکده دیر. ائله بونا گوره ده آذربایجانلی و باشقا میللتلر بورکلرینی قاباقلارینا قویوب ،دوشونوب،یوخسول و آجیناجاقلی وضعیته دوشمه لری نین سببلرینی باشا دوشموشلر. اونا گوره ده داها آذربایحانلی بیر آیدین ایران اوچون هئچ بیر شئی وئرمه یه حاضیر دئییلدیر. او ایلک اولاراق تاپدالانمیش ، یوخ ائدیلمیش حاقلارینی الده ائتمک اوچون ساواشیر. او بوتون باشقا میللتلرله یاناشی ایران آدلانان یئرده کوکلو سیستئم و دوشونجه ده ییشمه سی نین طرفداریدیر. بئله سیستئم ده ییشمه سینده ایسته ین میللت قالیر، ایسته مه ین آیریلیب اوزو اوز طالعینی اوز الینه آلیر.بئله بیر عملی دوشونجه اسایندا هر کس ال ـ اله وئریب بو ایسلامی  فاناتیک ، تئروریست و ایرقچی رئژیمی تاریخین کولویونه توکه بیله ر. ایران آدلانان یئرده کی سیاسی و توپلومسال چیخمازیندان قورتولماق اوجون بو تک و نهایی یولدور. عکی تقدیرده اوردا دیکتاتورلوق باشقا بیر آددا و شکیلده دوام ائده جکدیر. نهایت یوگوسلاوییادا اولدوغو کیمی میللتلر آراسی  سیلاحلی قارشی دورمایا گتیریب چیخاراجاقدیر                            .                                                                                   

بوگون ایران آدلانان یئرده اولان اولقولار (حادیثه لر)کوکلو بیر ده ییشمه گئتمک مقصدی گودمور، یالنیز  رئژیمین آشیقلاری نین ده ییشدیریلمه سی داواسیدیر. اونلار هم آلاهی ایسته ییرلر ، همده خورمانی. بو او دئمک دیرکی ایران آدلانان یئری اولدوعو کیمی ساخلاماق، ایسلام رئژیمینی ساخلاماق، فارس ایرقچی ـ شونیست آغالیغینی ساخلاماق ، باشقا میللتلری مهو ـ نابود ائتمکدیر. بودا خام خیالدیر. اونلار هر زامان اولدوغو کیمی ایلانی سئید احمد الی ایله توتماق ایسته ییرلر.ای میللتلر سیز گه لین هر زامانکی کیمی کوچه لره توکولون ، قان وئرین ، اولو وئرین ، بیز یئنه گلیب باشقا بیر آدلا سیزه آغالیق ائده ک. بواولان ایش دئییلدیر                                                                                                                                          

 بوگون ایران آدلانان یئر ایکی یولون آیریمیندا قرار تاپمیشدیر. حاکمیتده اولوب ـ اولمایان ، خاریجده و داخیلده اوزونو فارس آیدینی و موخالیفی سایانلار ، ایرقچیلیغی ، شوونیسلی یی ، مستملکه چیلیک و آغالیق دوشونجه لرینی بیر یانا قویوب رئال مسئله یه یاناشمالیدیرلار. عکس تقدیرده  سئربیلیلر کیمی آخیرده اوزلرینی یالقیز، میللتلرین موحاصیره سینده تاپاجاقلار.آمما دئموکراتیک یولو توتارلارسا، ایران آدلانان یئر دئموکراتیزه ائدیلیرکن، اورادا چئشیدلی میللی دوولتلر یارادیلاجاقدیر. ایلک باشدا بو دوولتلر اوزلرینی تاپمالی و هر بیری اوز اوز یولونو توتوب گئتمه لیدیر. آمما اوزون وعده لی تاریخی بیر اولوشومدا  بو آیریلان میللتلر ، شاید باشقالاریدا بیر آرایا گلیب ، آوروپا بیرلی یینه اوخشار برابر حقوقلو بیر بیرلیک یارادسینلار. طبیعی اولاراق یوخاریدا سوزو گئده ن بیر تاریخی الوشوم ، یعنی سوزو گئده ن شکیلده دئموکراتیک لشمه، منطقه ده باریش و امنیتیده اوزو ایله گتیره جک ، و خاریجی دوولتلرین موداخیله سی نینده قارشی سینی آلاجاقدیر. بیر ده فعه داها اوزوموزو فارس آیدینلارینا توتوب ،دئییریک کی، قان توکمک یئرینه، میللتلر آراسیندا دوشمنچیلی لی یین ده رینلمه سینه قارشی، بیر ده فعه لیک کودوره تلری بیر یانا قویوب، رئالیقلاری قبول ائدیب ،یولا چیخمالیدیرلار. باشقا میللتلر کیمی  آذربایجانلی داها اوز وطنی اولان آذربایجانین گله جه یی اوچون دوشونور و ساواشیر. فارسلارلا باریش ایچینده بیر قونشو کیمی یاشاماق ایسته ییر                                                                                                                                                                                                                           جارچی سایی 44       

                           بلوچیستان میللتی ایله همراییلیک بیلدیریشی                           

 حورمتلی وطنداشلار،                                                                                                                           

ایران دئییله ن میللتلر دوسداغیندا مستملکه چی تثروریست ـ فوندامنتالیست رئژیم بو دوسداغی قوروماق اوچون هرگون یئنی جینایتلره ال آتماقدادیر. آذربایجاندا یورتدویو باسقی و تئرورلا یاناشی، الاهوازدا، بلوچیستاندا ، تورکومنیستاندا و کوردوستاندا اوز حئیوانی جینایتلرینی سوردورمکده ، بو میللتلرین فداکار اوغول و قیزلارینی اعدام ائتمکله گوز قورخوتماغا چالیشیر. آمما اوز آزادلیقلاری ـ مستقیللیکلری اوغروندا ساواشان و موباریزه آپاران بو میللتلر طبیعی اولاراق جینایتکار تئهران رئژیمی نین تئروریست ، وحشیجه سینه اعداملاریندان قورخاجاق دئییلدیرلر. عکسینه بئله جینایتلر و اعداملار بو میللتلرین آزادلیق یولوندا آپاردیقلاری موباریزه نی داهادا گوجلندیره جکدیر.اوزو قارالیق  فارس ایرقیچی شوونیستلرینه قالاجاقدیر.                                                               

 واحید مستقیل آذربایجان جبهه سی اولاراق، بیز بوتون میللتلرین اوز مستقیللیک و آزادلیقلاری یولوندا آپاردیقلاری موباریزه و ساواشلارینی دستکه ییریک . و اوز میللت و وطنلری اوغروندا جانلاریندان کئچه ن جان قویارلارین(شهیدلرین) قارشی سیندا باش اییریریک. بیز سون گونلرده بلوچیستانداکی اعداملاری قیناماقلا یاناشی ، بلوچیستان میللتینه و بو جان قویارلارین عزیز و ایگیت عائله لرینه باش ساغالیغی دئییب ، سیزین یاسی نیزدادا شریک اولدوغوموزو اعلان ائدیریک                                   

 واحید مستقیل آذربایجان جبهه سی گونئی آذربایجانین آزادلیق ـ مستقیللیک و نهایت پارچالانمیش وطنی نین بیرلشمه سی اوغروندا موباریزه آپاریر. بو موباریزه ده عرب ، بلوچ ، تورکمن و کورد میللتلری نین آپاردیقلاری آزادلیق و مستقیللیک ساواشچیلارینی اوزونون اوزون وقیسا وعده لی اورتاغی گورور                                .                                                     

 یاشاسین ایران دئییله ن میللتلر دوسداغینداکی میللتلرین آزادلیق ساواشی!                                                              یاشاسین آزادلیق و مستقیللیک یولوندا ساواشان میللتلرین امکداشلیغی!

واحید مستقیل آذربایجان جبهه سی

تبریزـ 06. 06. 2009   

 

 واحید مستقیل آذربایجان جبهه سی نین بایرام تبریکی

حورمتلی وطنداشلار،

واحید مستقیل آذربایجان جبهه سی آدیندان او تایلی ـ بو تایلی بوتوو میللتیمیزه یئنی ایلین باشلاماسینی، ارگینوکون (باهارـ نوروز) بایرامینیزی اوره کده ن تبریک دئییب ، هامینیزا خوشلوق و ایشلرینیزده باشاریلار دیله ییریک. اومید ائیریک کی، فارس شوونیست تئروریستلری نین مستملکه سینده ن قورتولوب ، آزاد ، مستقیل دئموکراتیک دوولتیمیزی قورماق اوچون بیرلیکده آپاردیغیمیز موباریزه ده ایسته دییمیز موفقیتلری الده ائتمیش اولاق. میللت و وطنیمیز آذربایجان اوچون قورتولوش ایلی اولسون.بونون اوچونده موباریزه نین بوتون چئشید لرینده ن فایدالاناراق جیدی شکیلده سلیقه فرقیلیکلرینی نظره آلمادان بیرلیکده  موباریزه آپامامیز شرطدیر.

واحید مستقیل آذربایجان جبهه سی 

عالی شوراسی

 

اورومییه سوی قیرمی نین ایلدونومو موناسیبتیله

 

بو ایل اورومییه و اونون اطرافینداکی شهر و قصبه لرده  26 .1396.12 نجی ایل ین سون چارشنبه سی آخشامیندا  ائرمنی داشناقلاری نین آسورولارلا بیرلیکده آذربایجان میللتینه قارشی آپاردیقلاری سوی قیریملاری نین 91ـ نجی ایدنومودور.یئرلی داشناقلارا علاوه اولاراق  بوجینایتکارلارین500 مین نفری بیر اوندان قاباق عثمانلی اراضیلریندن قاچیب آذربایجانا سیغینمیشدیلار.اونلار روسلارین، فرانسالیلارین ، اینگلیسلرین ، آمئریکالیلارین و پاپین نوماینده سی طرفیندن دستکله نیب ، حمایت اولوناراق ، آذربایجانین بو مقدس ایالتینده ائرمنی مسیحی دوولتی یارتما چاباسی گوستریردیلر. آذربایجانیمیزین قوزئی حیصه سینده ده اوروسلارین حمایه سیله قودوقانلیغا باشلایان ائرمنیلر باکیدا شاماخیدا باشقا شهرلرده بو سوی قیریما لارینی حیاتا گئچیردیلر. نهایت اوروسلار آذربایجانین تاریخی توپراقلاریندان اولان ایروان خانلیغیندا سونرادان قوراجاقلاری «قوندارما ائرمنیستان»ین پایاسینی قویماغا چالیشدیلار. 1914 ـ1918 ایللری آراسیندا کئچیریله ن بو سوی قیریملاری نتیجه سینده یاریم میلیونا یاخین سویداشیمیز فجیع شکیلده اولدرولدولر.جینایتکار الی قانلی ائرمنیلر 1991  نجی ایل قوزئی آذربایجان مستقیلل یینه قووشدوقدا ، اوروسلارلا بیرلیکده، مستملکه چی تئهران رئزمی نین حمایه سیله خوجالیدا و باشقا قاراباغ ایالتلرینده بو سو قیریملارینی تیکرارلادیلار. بو جانیلر آذربایجان میللتی نین آند ایچمیش دوشمنلری ساییلیرلار. بو گون او آجی قتل ـ عاملاردان 91 ایل کئچسه ده میللتیمیز او قتل ـ عاملارین قوربانلارینی اونودمامیشدیر. اونلاری عزیز توتماغی، مزارلارینی قورویوب ساخلاماغی اوزونون میللی و ویجدانی وظیفه سی کیمی گورور.

هر میللتین تاریخی او میللت اوچون یول گوستریجیدیر. هامان خطالارین ـ جینایتلرین تیکرارلانماماسینا ایجازه وئرمه مک، حاضیرلیقلی اولماق، تاریخدن عبرت درسی آلماق دئمکدیر. میللتیمیزین دوشمنلری ساییلان فارس ـ روس و ائرمنیلر میللتیمیزه قارشی دوشمنچیلیکلدن ال گوتورمه میشلر. تیکرار گونئی آذربایجانیمیزین غرب ایالتلرینده ـ شهرلرینده  اسکی شوم و اوغورسوز پیلانلارینی بو دفعه عراق و تورکیه دن قاچیب گه لن، و قوناق اولاراق بیزیم میللتیمیزین محبتلی باغرینا سیغینان کوردلرین آلداتیلیشلارینین و نادانلارینین الی ایله حیاتا گئیرمک ایسته ییرلر. بو واقعیتلری گوروب، هر بیرشئیه حاضیر اولمامیز لازیمدیر. قوناق پرورلیک بیزیم میللتین میللی خصوصیتلریندن ساییلیر. آمما قوناقپرورلی یین ـ پولاکی لیغیندا بیر حدی و حدودو واردیر. یادلارا  پول اوچون توپراقلارینی ساتان سویداشلاریمیز شاید بیلمه ده ن دوشمنلرین قازانینیا سو توکورلر. حقیقتده اوز ناموس و شرفلرینی پولا ساتیرلار. قوناق قوناقدیر کیمسه ائوینی قوناغا ساتماز. چونکی قوناق قوناق اولدوغونو درک ائتمه لیدیر. قوناق اوزونو قوناق کیمی آپارمازسا ، باشقا ایدعالارا قالخارسا بویوروب تشریف آپارمالیدیر.قاییتماغا مجبور ائدیلمه لیدیر.

بیز واحید مستقیل آذربایجان جبهه سی اولاراق 91 ـ ایل قاباق ائرمنیلرین میللتیمیزه قارشی آپاردیقلاری سوی قیریمیندا  اولدورولن ـ قتله یئتیرلن سویداشلاریمیزین  مزارلاری قارشی سیندا اونلارا باش اییب، روحلاری نین شاد اولماسینی دیله ییریک. عین زاماندا اونلارین عائله لرینه صبیر دیله مکله یاناشی، اونلارین غزیزلری نین قانلاری یئرده قالمییاجاغینی وورقولاییریق.

عشق اولسون وطن و میللتی اوغروندا حیاتلارینی باغیشلایان جان قویارلاریمیزا( شهیدلریمیزه)!

واحید مستقیل آذربیجان جبهه سی

اورمییه اوزه یی (شعبه سی) 12.25.1387

 
باش ساغالیغی

پارچالانمیش میللتیمیزین  ، وطنیمیزین قایغیلارینی  داشییان .بو تاریخی فاجیعه نی قینایان، شهریار و خلیل ریضا کیمی میللتیمیزین اوره یینده اوزونه بویوک سئوگی و محبت قازانان ، خالق شاعیری عنوانینی آلان بختیار وهابزاده به یی ایتیردیک .او اوزون آزارلیقدان سونرا دونیاسینی ده ییشمیشدیر. بو بوتو آذربایجان میللتی اوچون  چوخ اوزوجو بیر اولقودور. بیز واحید مستقیل آذربایجان جبهه سی آدیندان میللتیمیزه اونون  موحترم عائله سینه  تسلیت و باش ساغالیغی دئیبریک . او شعرلری ایله میللتیمیزین اوره یینده ابدی  یاشایاجاقدیر.   

واحید مستقیل آذربایجان جبهه سی نین

تسلیت بیلدیریشی

 

قارا ژانووار یاخود قانلی ژانووار حقیقتده اورسییت اساره تینده اولان وطنیمیزی آزادلیق و مستقیللی یه آپاران یولجوسو ایدی.بو جینایتین سونوندا قوزئییندن قالان حیصه سی ایستیقلالییتینی الده ائتمیش اولدو.160" ایللیک اساره ته سون قویدی. بو باشقا بیر حقیقتی گوستردی کی، یادلارین اساره ت و ایستیثماری و باسقیلاری(رئپرئسییالاری) میللتیمیزین آزادلیق و باغلی سیزلیغا اولان ایمانینی سارسیدا بیلمه میشدیر. آزادلیغا اولان عشقینی سوندوره نمه میشدیر. چوخلو جانفیشانلیق و فداکارلیقلا الده ائدیلمیش بو ایستیقلالییتی و دوولتچی لییمیزی قوروماق ، قوزئیلی ـ گونئیلی هر بیر وطنداشین بورجودور. بو واحید مستقیل آذربایجان جبهه سی نینده آنا پرنسیبلریندندیر.

قورباچوف جنابلاری 1991 نجی ایل ژانووارین 19 دان 20 سینه کئچه ن گئجه اوز لئنین باباسی نین عملینی تیکرار ائتمه یه قالخمیشدیر. او آذربایجان دئموکراتیک جمهورییتینی  قان ایچینده بوغدوغو کیمی ، بو جنابدا دونیامیزدا و آناوطنیمیزده  اسه ن یئنی آزادلیق باهارینی سون باهارا چئویرمه یه قالخسادا ، میللتیمیزین جانفیشانلیق و سارسیلماز ایراده سی  قارشی سیندا آرزولاری گوزونده قالدی. چاغیمیز 70 ایل بوندان قاباقکی چاغ دئییل ایدی. وطنیمیزه اوچونجو دفعه سوخولان اوروس قیزیل اوردوسو، باشقا سوزله دئسک مستملکه چی قوشون جینایت ایشله سه ده ، سونوندا اوزو سولو، باشی آشاغی آذربایجانی ترک ائتمک زوروندا قالدی.

واحید مستقیل آذربایجان جبهه سی نین عضوو مرحوم ائلمیرا خانیمین 1991 نجی ایل ژانووارین 19 دان 20 سینه کئچه ن گئجه چوخ هیجا ن و اضطیرابلا «من زورنالیست المیرایام، باکیدان دانیشیرام. اوروس قوشونو  باکی یا سوخولوب  جینایت ایشله ییر...»کیمی سوزلری هنوز قولاغیمیزدا جینگیلده ییر. او تاریخدن ، مستملکه چی قیزیل اوردونون ایشله دییی جینایتلردن 19 ایل کئچیر. نه اوروس دوشمنی نین جینایتلری اونودولموس، نه ده شوونیست فارس و ائرمنی اشقیالاری نین جینایتلری! هامیسی میللتیمیزین یادداشتیندا یاشاماقدادیر، و یاشایاجاقدیر. ائله جه ده بو جینایتلرین قوربانلاری! جانلارینی وطن و میللتین آزادلیغی یولوندا قوربان وئره ن اوغول و قیزلاریمیز! ..اونلار ابدی اولاراق میللتیمیزین اوره یینده یاشاییب، یاشایاجاقلار.تاریخیمیز اونلاری غرورلا یاد ائده جکدیر. چونکی تاریخ هر میللتین گوزگوسودور.

واحید مستقیل آذربایجان جبهه سی بو جانقویار( شهیدلریمیزین)لاریمیزین عائله لری باشدا اولماقلا، بوتوو میللتیمیزه تسلییت و باش ساغالیغی دئییر. واحید مستقیل آذربایجان جبهه سی  بونا اینانیرکی، جانقویارلاریمیز«شهیدلریمیز»گونئیده فارس شوونیزمی نین مستملکه سینده یاشاماق زوروندا قالان باجی ـ قارداشلارینا، موباریزه لرینده ایمان و فداکارلیق حیس لری باغیشلامیشلار. اونلارا وطنین آزادلیق و مستقیللی یی اوجون گئدیله جک یولو گوسترمیشلر.

غشق اولسون وطن و میللتیمیزین آزادلیغی اوغروندا جانلارینی فدا ائده ن ایگیت لریمیزه!

واحید مستقیل آذربایجان جبهه سی

17.01.2009

 
باش ساغالیغی

حورمتلی وطنداشلار

چوخ ـ چوخ تاسوفله میللتیمیزین ایگیت و فداکار اوغوللاریندان اولان مهندیس غلامریضا امانی به ی ایکی قارداشی جعفر وکریم به یله بیرلیکده اهر یولوندا بللی اولمایان سببله ماشین تصادوفو نتیجه سینده دونیالارینی ده ییشمیشلر. بو بویوک ایتگینی بوتون آذربایجان میللتینه، اونلارین بوسقوداشلارینا(هم سنگرلرینه)، یولداشلارینا و مخصوصن امانی به یین عائله سینه، قوهوم و تانیشلارینا تسلیت دئییب، اونلارا صبیر دیله ییریک. بونودا قئید ائتمک ایسته ردیک کی، میللتیمیز بئله جان قویارلارینی( شهیدلرینی)اونودمییاجاق، اونلار میللتیمیزین اوره یینده و آزادلیق و مستقیللیک  ساواشیمیزین تاریخینده یاشایاجاقلار. اوزو قارالیق مستملکه چیلره قالاجاقدیر، اونلارین  جینایتلریده جوابسیز قالمییاجاقدیر.

درین حورمت و ائختراملا   واحید مستقیل آذربایجان جبهه سی /تبریز
 
۲۱آذر میللتیمیزین موقاویمت گونودور!
 

حورمتلی وطئنداشلاریمیز!                                                          

میللتیمیز ین کئچه ن ۱۸۰ ایللیک میللی قورتولوش موباریزه سی نین آچیق ایستک و سمبوللاریندان بیری ۱۳۲۴ـ ۱۹۴۵ نجی ایلینده میللتیمیزین قوردوغو میللی حوکومتیدیر. بو حوکومتین پایاسینی قویان آذربایجان میللت مجلیسی و بو مجلیس طرفیندن آذربایجان میللی حوکومت باشچیسی اولاراق سئچیله ن غئیرتلی یوردسئوه ر سئید جعفر پیشه وری اولموشدور. بو بیر ایللیک میللی حاکمییت دوورونده گورولن ایشلر هله ده میللتیمیزین یادداشتیندان سیلینمه میشدیر                                               .                                 

مسکووا و تهران مستملکه چیلرینین الی ایله قان دریاسیندا یوخ ائدیلمه سینده 30 مین سویداشلاریمیز اولدورولموش، اون مینلرجه اینسانیمیز دوسداقلارا ، شیکنجه ائولرینه، سورگونلره گونده ریلمیشدیر. یوز مینه یاخین وطنداشیمیز وطن نین قوزئیینه کئچمه یه مجبور ائدیلمیش ، اورادان ایسه سیبری دوشه رگه لرینه ، سورگونلره گونده ریلمیشلر. بو وطنداشلاریمیز وطن و وطنین آزادلیغی حسرتیله دونیالارینی ده ییشمیشلر. تاسوفله بوگونه قده ر بو فداکار اوغول و قیزلاری نین لیسته سی چیخاریلمامیشدیر.بئله لیکله وطنین قورتولوش موباریزه لری نین بو حالقاسی تام یازیلمامیشدیر. میللی حوکومت  دوولت باشچسی پیشه وری ده بیر نئچه وطن خائنی و اوروسلارین الی ایله قتله یئتیریلمیشدیر. بوگون اونون فخری قبریستانلیغیندا اولان مزاری وطن آزادلیغی اوغروندا موباریزه آپارانلارین ایلقار (عهد ـ پئیمان) وگوروش مرکزینه جئوریلمیشدیر                        .  

۶۳ ایل او تاریخده ن کئچسه ده مستملکه چی ـ شوونیست  تئهران رئژیمی ۳۰ میلیونلوق میللتیمیزین دیلینی یاسلاماقدا، بوتون میللی وارلیق و عنعنه لریمیزی ، میللی اخلاق و معنوییاتیمیزی ، تاریخی عابیده لریمیزی یوخ ائتمه یه دوام ائدیر، آذربایجانین میللی سرحدلرینی یوخ ائتمک مقصدیله اونلاری یاد دیلده دانیشان ایالتلرله بیرلشدیریر، بو اراضیلرده فارس و کوردلری یئرلشدیریرمکله اوز ایچینده اریتمه و یوخ ائتمه سیاستینی دوام ائتدیریر. یئر آلتی و یئر اوستو ثروتلریمیزی تالاییر. میللتیمیز بو آشیری ایرقچیلی